Sobola miaku minene. Paudi ujikija kubala mvese, leja miaku idi ileja bualu bunene buudi wakuila buludiludi. Udi mua kuenza nanku pa kuambulula miaku ayi anyi pa kuela lukonko ludi lufikisha bateleji bebe ku dimanya miaku minene ayi.

Shindika bualu abu. Wewe mubadishe mvese bua bualu kampanda, umvuija mudi miaku minene idimu ipetangana ne tshiudi mumufidile.

Umvuija bipepele tshiudi mufidile mvese. Epuka diumvuija tumalu tudi katuyi ne mushinga, katuyi ne diambuluisha mu bualu bunene buudi wakuila. Imanyina pa malu akadi bateleji bebe bamanye bua tshiena-bualu atshi bua kusungula bungi bua malu adi ne mushinga bua bateleji bebe bamone mudi mvese upetangana ne bualu abu ne babumvue bimpe.