DILONGA 2
Diakula bu pa tshibidilu
2 Kolinto 2:17
TSHIA KUENZA: Akula muutu wakula pa tshibidilu, kabidi ne muoyo mujima, bua kuleja muudi umvua bua tshiena-bualu tshiebe ne bua badi bakuteleja.
MUA KUTSHIENZA:
-
Dilongolola bimpe ne sambila. Sambila bua Nzambi akuambuluishe bua kuimanyina pa mukenji uwafila pamutu pa kuimanyina pa malu ebe. Manya malu manene audi ne bua kuamba. Akula mu ebe mêyi; kuambuludi biambilu anu mudibi bifunda to.
-
Akula ne muoyo umue. Manya bua tshinyi mbimpe bateleji bumvue malu audi ne bua kubambila. Ikala nabu mu lungenyi. Dîba adi mushindu uudi wimana, jeste yebe, ne mpala webe nebileje muudi wakula ne muoyo umue ne musangelu.
-
Tangila bateleji. Biobi kabiyi bibi muaba unudi, mêsu ebe ikale atangilangana ne a bantu. Paudi wenza muyuki kumpala, ikala wenda utangila muntu ne muntu, pamutu pa kubatangila bonso mu tshibungi.
