Tuenzele Nzambi mudimu ne ‘mutshima ne musûke umue’

BENA Yuda ne bantu bavua bitaba mayisha abu bavua bakunguile bayidi ba Yezu Kristo. Divua dituku dia Pentekoste ne bantu bavua balue mu Yelushalema bafumine miaba mile bu mudi ku Lomo lua ku Ouest ne ku Pâtia lua ku Est. Benyi abu bakumvua bayidi ba Yezu bakula mu miakulu mishilangane, pabi bayidi abu bavua ba mu Galela. Bamue ba ku benyi abu bakakema bikole, bamba ne: ‘Tudi tumvua muntu ne muntu, muakulu wende wa kuakatulelabu munyi?’​—Bien. 2:8.

Mupostolo Petelo wakimana ne kumvuija bua tshinyi bavua bakula mu miakulu mikuabu mu tshishima. Benyi ba bungi bakitaba  diakamue lumu luimpe. Ba bungi ba kudibu bakatambula. (Bien. 2:41) Nansha muvua tshisumbu tshidiunde ne lukasa, tshiakashala anu mu buobumue. Luka uvua pende mufunde Bible udi wamba ne: ‘Tshisumbu tshia bakadi bitabuja tshiakadi ne mutshima ne musûke umue.’​—Bien. 4:32.

Bantu ba bungi bavua batambule dituku dia Pentekoste wa mu 33 bakajinga bua kushala ndambu wa matuku mu Yelushalema bua kulonga malu a bungi a tshitendelelu tshiabu tshipiatshipia. Kadi pavuabu balue, kabavua bamanye ne: nebanenge mu Yelushalema to. Nunku bena Kristo ba mu Yelushalema bakabasangishila makuta. Bamue bena Kristo bakitaba bua kupana bintu biabu ne kupesha bapostolo makuta abu bua bapeshe bavua nawu dijinga. (Bien. 2:42-47) Mbashiye tshilejilu tshimpe tshia dinanga ne muoyo wa kupeshangana bintu.

Bena Kristo batu anu banangangane ne bapeshangana bintu. Lelu, tshisumbu tshia bena Kristo tshidi tshitungunuka ne kuenzela Yehowa mudimu mu buobumue ne ‘mutshima ne musûke umue.’ Batu bafila dîba diabu, makanda abu ne mfranga yabu bua kuyisha lumu luimpe ne kutungunuja midimu ya Bukalenge bua Nzambi.​—Bala kazubu ka “ Mushindu udi bamue bafila mapa.”

[Kazubu mu mabeji 6, 7]

 MUSHINDU UDI BAMUE BAFILA MAPA

MAPA BUA MUDIMU WA PA BULOBA BUJIMA

Bantu bavule batu balama makuta bungi kampanda bua kuela mu tushete tua mapa a “Mudimu wa pa buloba bujima.”

Ku ngondo yonso, bisumbu bitu bituma makuta aa ku biro bia Bantemu ba Yehowa bidi bitangila mudimu wa ditunga diabu. Bantu badi mua kutuma kabidi makuta aa buludiludi ku Watch tower Bible and Tract Society of New York, Inc., Attention Treasurer’s Office, 25 Columbia Heights, Brooklyn, New York 11201-2483, anyi ku biro bia Bantemu ba Yehowa bidi bitangila mudimu mu ditunga diabu. Sheke ya makuta idibu batuma mu adrese udi kulu eu idi ne bua kuikala mu dîna dia “Watch tower.” Nudi mua kufila nansha bilengejilu bu mudi mpeta ne bikanu bia or peshi bintu bikuabu bia mushinga mukole. Nutume mapa enu aa ne mukanda muipi udi uleja ne: nudi baatume bua kashidi.

DILAMISHA MAKUTA

Muntu udi mua kusombesha Watch Tower Bible and Tract Society of Pennsylvania makuta bua enza nawu mudimu miaba yonso idiye musue. Kadi padi muntu au nawu dijinga badi bamupingajilawu musangu umue. Wewe musue kumanya malu makuabu, udi mua kufundila biro bia Treasurer’s Office mu adrese udi kulu eku anyi kubikila ku numero eyi: (718) 560-7500.

MAPA MALONGOLOLA

Pa kumusha mapa a makuta mafila bua kashidi, kudi mishindu mikuabu ya kufila bintu bua mudimu wa Bukalenge udi wenzeka pa buloba bujima. Tudi mua kutela bu mudi:

Makuta a tshieya: Muntu udi mua kushila Watch Tower bukenji bua kuangata makuta ende a tshieya anyi a pansio.

Konte ya ku banke: Muntu udi mua kufundisha konte yende ya ku banke, mikanda ya makuta matekesha ku banke anyi konte yende ya makuta a pansio mu dîna dia Watch Tower anyi kufunda bua kuafutabu Watch Tower padiye ufua, bilondeshile mikenji ya banke ya muaba udiye.

Bukenji bua kupeta bintu ne makuta masombesha: Badi mua kupesha Watch Tower bukenji bua kupeta bintu ne makuta masombesha bu dipa dia kashidi.

Mpangu ne nzubu: Muntu udi mua kufila lupangu anyi nzubu wende bua kashidi, kadi utungunuka ne kusombelamu patshidiye ne muoyo. Manyisha Betele wa ditunga dienu kumpala kua kumupesha lupangu anyi nzubu webe.

Dipa dia kufuta ku tshidimu: Etshi ndipa dia muntu wangata makuta anyi mikanda ubifila kudi biro bia Bantemu ba Yehowa. Pashishe muntu eu (anyi mukuabu udiye musungule) udi utuadija kupeta makuta bungi kampanda tshidimu tshionso patshidiye ne muoyo. Tshidimu tshidi muntu ufila dipa edi badi bamupuekeshila mushinga wa bitadi bituye ufuta.

Testama ne bintu bilamisha: Muntu udi mua kushila Watch Tower bintu anyi makuta ende, peshi kumupa bukenji bua kuangata bintu bidiye mulamisha. Badi mua kukepesha mushinga wa bitadi padi bintu bitekesha mu dîna dia tshitendelelu.

Anu mudi miaku eyi: “mapa malongolola” ileja, mapa a mushindu eu atu alomba bua muntu adianjile kudilongolola. Bua kuambuluisha bantu badi bajinga kukuatshisha mudimu udi Bantemu ba Yehowa benza pa buloba bujima ne mapa malongolola, mbapatule kakanda ka mu Anglais ne mu tshiena Espagne kadi ne tshiena-bualu tshia ne: Charitable Planning to Benefit Kingdom Service Worldwide. (Mapa malongolola bua kukuatshisha mudimu wa Bukalenge wa pa buloba bujima) Mbenze kakanda aka bua kuleja mishindu mishilangane idi bantu mua kufila mapa ne bintu bia bumpianyi. Bantu ba bungi bamane kukabala ne bayukile ne aba batu babapesha mibelu mu malu a mikenji anyi a bitadi, mbafike ku dikuatshisha mudimu wa Nzambi ne wa kuambuluisha bantu udi Bantemu ba Yehowa benza pa buloba bujima, ne mbabakepeshile bungi bua makuta a bitadi avuabu bafuta. Udi mua kulomba kakanda aka ku Charitable Planning Office (Biro bia mapa malongolola).

Bua kumanya malu makuabu, udi mua kufundila Charitable Planning Office (Biro bia mapa malongolola) anyi kuela nshinga mu adrese udi kuinshi eku, peshi kuebeja Betele udi utangila mudimu mu ditunga dienu.

Charitable Planning Office

Watch Tower Bible and Tract Society of Pennsylvania

100 Watchtower Drive

Patterson, New York 12563-9204

Telefone: (845) 306-0707