Ntshinyi tshidi bible wamba?
Tudi mu “matuku a ku nshikidilu” anyi?
Udi mua kuandamuna bishi?
Eyowa
Tòo
Pamuapa
Tshidi Bible wamba
“Mu matuku a ku nshikidilu nekuikale bikondo bibi bidi bikole mua kupita nabi.” (2 Timote 3:1) Mulayi wa buprofete ne malu adi enzeka lelu, bidi bileja ne: tudi “mu matuku a ku nshikidilu.”
Mmalu kayi makuabu atudi tulonga mu Bible?
Mu matuku a ku nshikidilu kuvua ne bua kuikala mvita, biyole bia nzala, bikumina, ne bipupu bia masama a lufu.—Matayi 24:3, 7; Luka 21:11.
Mu matuku a ku nshikidilu aa, malu a bantu a bikadilu bilenga ne a ntendelelu mmanyanguke bikole.—2 Timote 3:2-5.
Mmalu kayi apeta bukua bantu kumpala eku?
Bamue bantu badi bamba ne: matuku a ku nshikidilu neajike pabutulabu buloba ne bantu bonso badipu, kadi eku bakuabu bobu mbatekemene ne: malu nealongoloke. Wewe udi wela meji kayi?
Tshidi Bible wamba
‘Bantu bakane nebapiane buloba, nebashikamemu tshiendelele.’—Misambu 37:29.
Mmalu kayi makuabu atudi tulonga mu Bible?
Matuku a ku nshikidilu neajike pumbushabu malu mabi onso.—1 Yone 2:17.
Buloba nebulue mparadizu.—Yeshaya 35:1, 6.
Mona bikuabu:
MALONGESHA A MU BIBLE A NSHINDAMENU
Bua tshinyi Nzambi uvua mufuke buloba?
Buloba mbuwule ne bintu bilenga bia bungi. Mbabuteke mu ntanta wa bule bukumbane ne dîba, busendamija ndambu mudibi bikengela ne budi bunyunguluka mu lubilu lukumbane. Bua tshinyi Nzambi uvua mudienzeje bikole nunku bua kufuka buloba?
