Diumvuija dia mikanda ya mu Bible

Diumvuija dia mukanda wa Genese

Mukanda wa Genese udi uleja malu a mushinga adi atangila ntuadijilu wa bantu, wa makenga ne wa lufu.

Diumvuija dia mukanda wa Ekesode

Nzambi wakapatula bena Isalele mu bupika mu Ejipitu, kubavuijaye tshisamba tshiende.

Diumvuija dia mukanda wa Lewitiki

Mona mudi mukanda wa Lewitiki umvuija mudi Nzambi muikale wa tshijila ne bua tshinyi kuikala ba tshijila kudi ne mushinga wa bungi.

Diumvuija dia mukanda wa Nomba

Mona mudibi ne mushinga bua kutumikila Yehowa mu nsombelu yonso ne kunemeka badiye muteke bua kulombola bantu bende.

Diumvuija dia mukanda wa Dutelonome

Mona mudi mikenji ivua Yehowa muelele bena Isalele ileja mutuye munange bantu bende bikole.

Diumvuija dia mukanda wa Yoshua

Mona muvua bena Isalele batshimune ne babanyangane ditunga divua Nzambi mubapeshe.

Diumvuija dia mukanda wa Balumbuluishi

Mukanda wa bienzedi bia bena kale eu mmuinyika dîna divuabu babikila balume ba dikima bavua ne ditabuja bavua Nzambi mupandishe nabu Isalele kudi bavua babakengesha.

Diumvuija dia mukanda wa Luta

Mu Luta badi bakula bua dinanga dia kudifila bua bakuabu divua mukaji mukamba mukuabu utshivua nsonga muleje mamuende muenu ne muvua Yehowa mubafute bobu bonso babidi.

Diumvuija dia mukanda wa 1 Samuele

Mona muvua nsombelu wa bena Isalele mushintuluke kumbukila ku tshikondo tshia balumbuluishi too ne ku tshikondo tshikavua bakalenge bakokesha.

Diumvuija dia mukanda wa 2 Samuele

Mona muvua budipuekeshi bua Davidi ne ditabuja diende bimumvuije umue wa bantu badibu bakuile mu Bible batu bamanyike bikole ne batubu banange bikole.

Diumvuija dia mukanda wa 1 Bakalenge

Mona muvua malu mu Isalele kumbikila ku tshikondo tshia butumbi ne bubanji pavua Solomo mukalenge, too ne pakanyanguka nsombelu mu tshikondo tshia makalenge abidi bua Isalele ne bua Yuda.

Diumvuija dia mukanda wa 2 Bakalenge

Mona muvua butontolodi bunyange bukalenge bua Isalele bua ku nord, pavua Yehowa eku ubenesha bantu bakese bavua bamuenzela mudimu ne muoyo wabu mujima.

Diumvuija dia mukanda wa Ezela

Yehowa wakakumbaja mulayi wende wa kulekeleesha bantu bende mu Babilona ne kuakajilula ntendelelu mulelela mu Yelushalema.

Diumvuija dia mukanda wa Nehemiya

Mukanda wa Nehemiya udi ne malongesha a mushinga adi ambuluisha batendeledi bonso ba Nzambi lelu.

Diumvuija dia mukanda wa Esetê

Malu mabi avua menzeke mu matuku a Esetê neakoleshe ditabuja diebe kudi Yehowa Nzambi bua bukole budiye nabu bua kusungila bantu bende mu ntatu.

Diumvuija dia mukanda wa Yobo

Nebateye bantu bonso badi banange Yehowa. Muyuki wa Yobo udi utupesha dishindika dia ne: tudi mua kulama petu muoyo wetu mutoke ne kutua bumfumu bua Nzambi nyama ku mikolo.

Diumvuija dia mukanda wa Misambu

Mukanda wa Misambu udi utua bumfumu bua Yehowa mpanda, wambuluisha badi bamunange, ubasamba, ne uleja muashintulula Bukalenge buende malu pa buloba.

Diumvuija dia mukanda wa Nsumuinu

Peta buludiki bua Nzambi mu malu onso a mu nsombelu bu mudi a midimu, nansha a mêku.

Diumvuija dia mukanda wa Muambi

Mukalenge Solomo udi uleja malu a mushinga a mu nsombelu, ne udi uleja mudiwu kaayi apetangana ne malu adi abengangana ne meji a Nzambi.

Diumvuija dia mukanda wa Musambu wa Solomo

Bua tshinyi badi bafuanyikija dinanga dikole divua nsongakaji wa mu Shulama munange nadi mulami wa mikoko bu “ludimi lua kapia”?

Diumvuija dia mukanda wa Yeshaya

Mukanda wa Yeshaya mmukanda udi wamba mêyi a buprofete majalame adi akolesha dishindika dietu dia ne: Yehowa utu ukumbaja milayi yende misangu yonso ne nNzambi udi upandisha bantu.

Diumvuija dia mukanda wa Yelemiya

Yelemiya uvua wenza mudimu wende wa buprofete nansha muvuaku nsombelu mukole. Ela meji mudi tshilejilu tshiende mua kuambuluisha bena Kristo lelu.

Diumvuija dia mukanda wa Muadi

Mbafunde mukanda wa Muadi kudi muprofete Yelemiya, udi uleja kanyinganyinga kavua naku bantu bua dibutuka dia Yelushalema ne mudi kunyingalala bua mpekatu kufikisha ku luse lua Nzambi.

Diumvuija dia mukanda wa Yehezekele

Yehezekele wakakumbaja mudimu uvua Nzambi mumupeshe ne budipuekeshi ne dikima dionso nansha muvuawu mukole. Tshilejilu tshiende tshidi ne mushinga wa bungi buetu tuetu lelu.

Diumvuija dia mukanda wa Danyele

Danyele ne balunda bende bakashala ne lulamatu kudi Yehowa mu nsombelu yonso. Tshilejilu tshiabu ne dikumbana dia mêyi a buprofete bidi mua kutuambuluisha mpindieu mu matuku a ku nshikidilu aa.

Diumvuija dia mukanda wa Hoshea

Mêyi a buprofete a Hoshea adi ne malongesha mimpe buetu tuetu lelu, bua mushindu udi Yehowa ufuila benji ba malu mabi badi banyingalala luse, ne bua mushindu wa dimutendelela udiye wanyisha.

Diumvuija dia mukanda wa Yoele

Mêyi a buprofete a Yoele adi akula bua “dituku dia Yehowa” didi dienda disemena, ne tshia kuenza bua kupanduka. Mêyi ende a buprofete aa adi alomba bua kuenza malu ne lukasa lelu.

Diumvuija dia mukanda wa Amosa

Yehowa wakenza mudimu ne muntu muena bupuekele eu bua kukumbaja mudimu wa mushinga. Mmalongesha kayi a mushinga atudi tupetela ku tshilejilu tshia Amosa?

Diumvuija dia mukanda wa Obadaya

Eu ke mukanda muîpi menemene mu Mifundu ya tshiena Ebelu. Mêyi ende a buprofete adi apetesha bantu ditekemena ne alaya ne: bukokeshi bua Yehowa nebubingishibue.

Diumvuija dia mukanda wa Yona

Muprofete wakitaba dinyoka, kukumbajaye mudimu wende, ne kupetaye dilongesha dia mushinga bua dinanga dia Nzambi dia lulamatu ne luse luende. Malu avua mamufikile neakulenge ku muoyo.

Diumvuija dia mukanda wa Mika

Mêyi a buprofete mafundisha ku bukole bua nyuma wa Nzambi aa adi akolesha dishindika dietu dia ne: malu adi Yehowa utulomba bua kuenza mbua diakalenga dietu ne ki mmakole to.

Diumvuija dia mukanda wa Nahuma

Mêyi a buprofete aa adi atujadikila ne: Yehowa utu anu ukumbaja mêyi ende misangu yonso ne utu usamba bantu bonso badi bakeba ditalala ne lupandu mu Bukalenge buende.

Diumvuija dia mukanda wa Habakuka

Tuikalayi bajadike ne: Yehowa utu anu mumanye tshikondo tshidi tshikumbane ne mushindu muimpe menemene wa kupandisha bantu bende.

Diumvuija dia mukanda wa Sefanya

Bua tshinyi mbimpe tuepuke lungenyi lua ne: dituku dia Yehowa dia dilumbuluisha kadiakulua to?

Diumvuija dia mukanda wa Hagai

Mêyi a buprofete adi aleja bua tshinyi bidi ne mushinga bua kuteka ntendelelu wa Nzambi kumpala kua malu etu.

Diumvuija dia mukanda wa Zekâya

Bikena kumona bivule ne mêyi a buprofete biakakolesha tshisamba tshia Nzambi ku kale. Mêyi a buprofete amue amue aa adi atungunuka ne kutujadikila ne: Yehowa udi netu lelu.

Diumvuija dia mukanda wa Malaki

Mmêyi a buprofete adi akula bua mêyi manene a Yehowa adi kaayi ashintuluka, bua luse, ne dinanga. Adi kabidi atulongesha malu a mushinga bua nsombelu udiku lelu.

Diumvuija dia mukanda wa Matayi

Bikusankishaku bua kumanya malu manene a mu mukanda wa mu Bible eu, Evanjeliyo wa kumpala wa ku inayi idimu.

Diumvuija dia mukanda wa Mâko

Evanjeliyo wa Mâko eu mmuîpi ku yonso inayi, ne udi ufila kadiosha ka muikala bukokeshi bua Yezu mu matuku atshilualua pikalaye Mukalenge wa Bukalenge bua Nzambi.

Diumvuija dia mukanda wa Luka

Mmalu kayi adi mu Evanjeliyo wa Luka adi kaayi mu Evanjeliyo mikuabu?

Diumvuija dia mukanda wa Yone

Malu adi Yone mufunde adi atamba kuakula bua dinanga didi Yezu munange bukua bantu, tshilejilu tshiende tshia budipuekeshi, umvuija kabidi ne: yeye udi Masiya, Mukalenge wa Bukalenge bua Nzambi.

Diumvuija dia mukanda wa Bienzedi bia bapostolo

Bena Kristo ba kumpala bakenza mudimu mukole bua kuvuija bantu ba mu bisamba bionso bayidi. Mukanda wa Bienzedi udi mua kuvudija tshisumi tshiebe ne disanka mu mudimu wa buambi.

Diumvuija dia mukanda wa Lomo

Mubelu mufundisha ku nyuma udi uleja mudi Yehowa kayi ne kansungansunga ne bua mudibi bikengela kuitabuja Yezu Kristo.

Diumvuija dia mukanda wa 1 Kolinto

Mukanda udi Paulo mufunde ku nyuma eu udi ne mibelu mimpe ya mua kuikala mu buobumue, bakezuke mu bikadilu, kuikala ne dinanga, ne kuitabuja dibishibua.

Diumvuija dia mukanda wa 2 Kolinto

Yehowa “Nzambi wa busambi buonso” utu ukolesha batendeledi bende ne ubakolesha.

Diumvuija dia mukanda wa Galatiya

Mukanda uvua Paulo mufundile bena Galatiya udi mua kuambuluisha bantu lelu anu muvuabi tshikondo tshivuaye muwufunde. Udi mua kuambuluisha bena Kristo balelela bonso bua kushala ne lulamatu.

Diumvuija dia mukanda wa Efeso

Mukanda mufundisha ku nyuma eu, udi uleja malu adi Nzambi mulongolole bua kuteka ditalala ne buobumue ku butuangaji bua Yezu Kristo.

Diumvuija dia mukanda wa Filipoyi

Patudi tushala ne lulamatu lukole mu ntatu, tudi mua kukankamija bakuabu bua bashale pabu ne lulamatu.

Diumvuija dia mukanda wa Kolosayi

Tudi tusankisha Yehowa patudi tutumikila malu atudi tulonga, tufuilangana luse ne muoyo mujima, ne patudi tuitaba muanzu ne bukokeshi budi nabu Yezu.

Diumvuija dia mukanda wa 1 Tesalonike

Mbimpe tushale batabale mu nyuma, ‘tukonkonona malu onso,’ ‘tusambila misangu yonso,’ ne tukankamijangana.

Diumvuija dia mukanda wa 2 Tesalonike

Paulo udi wakaja mmuenenu mubi uvua nende bantu bua dilua dia dituku dia Yehowa, ne ukankamija bena Kristo bua kushala bashindame mu ditabuja.

Diumvuija dia mukanda wa 1 Timote

Mupostolo Paulo uvua mufunde mukanda wa 1 Timote bua kuleja muvua malu ne bua kuenzeka mu tshisumbu ne mua kudimukila malongesha a dishima ne dinanga dia makuta.

Diumvuija dia mukanda wa 2 Timote

Paulo udi ukankamija Timote bua kukumbaja mudimu wende wonso menemene.

Diumvuija dia mukanda wa Tito

Mukanda uvua mupostolo Paulo mufundile Tito eu udi uleja bilumbu bivua mu tshisumbu tshia mu Kulete ne ngikadilu milomba bua bakulu.

Diumvuija dia mukanda wa Filemona

Mukanda muîpi udi ne bukole eu udi ne malongesha mimpe a mua kuikala ne budipuekeshi, bulenga ne kufuilangana luse.

Diumvuija dia mukanda wa Ebelu

Ntendelelu wa bena Kristo mmushindamene pa bintu bitambe bunene kadi ki mmushindamene pa ntempelo muenza ku bianza ne milambu ya nyama ivua bantu bafila to.

Diumvuija dia mukanda wa Yakobo

Yakobo udi ufila bilejilu bipepele bua kulongesha bena Kristo mêyi manene a mushinga.

Diumvuija dia mukanda wa 1 Petelo

Mukanda wa kumpala wa Petelo udi utukankamija bua kutungunuka ne kuenza mudimu wa Nzambi ne kumupuila ntatu yetu.

Diumvuija dia mukanda wa 2 Petelo

Mukanda muibidi wa Petelo udi utukankamija bua tuikale ne lulamatu bu mutudi bindile diulu dipiadipia ne buloba bupiabupia.

Diumvuija dia mukanda wa 1 Yone

Mukanda wa Yone udi utudimuija bua tudimukile muluishi wa Kristo ne udi utuambuluisha bua kumanya bintu bitudi ne bua kunanga ne bitudi katuyi ne bua kunanga.

Diumvuija dia mukanda wa 2 Yone

Mukanda wa Yone muibidi udi utuvuluija bua kutungunuka ne kuenda mu bulelela ne kudimukila bantu badi bapambuishangana.

Diumvuija dia mukanda wa 3 Yone

Mukanda muisatu wa Yone udi ufila dilongesha dimpe kudi bena Kristo bua kuangata diakidila dia benyi ne mushinga.

Diumvuija dia mukanda wa Yuda

Yuda udi uleja patoke mishindu mibi idi bantu babi basue kunyanga bena Kristo.

Diumvuija dia mukanda wa Buakabuluibua

Bikena kumona bidi mu mukanda wa Buakabuluibua bidi bileja muikala Bukalenge bua Nzambi ne bua kukumbaja tshidi Nzambi mulongoluele bantu ne buloba.

Mona bikuabu:

Sungula muakulu wenu

Tumina bantu