Kusokwelwa Kudi Yoano 12:1-17
12 Penepo kwamwekele kiyukeno kikatampe mūlu: Mwana-mukaji+ umo wadi uvwele dyuba, kadi kweji wadi kunshi kwa maulu andi, ku mutwe wandi nako kwadi kilukwa kya ñenyenye 12,
2 kadi wadi na dīmi. Ne kadi wadi udila misanshi, ulwa na bisanso bya lubutulo.
3 Kwamwekele kiyukeno kikwabo mūlu. Tala! Mpumina mukatampe utyila pyā bwa mudilo,+ wa mitwe isamba-ibidi ne masengo dikumi kadi pa mitwe yandi padi bankaka* basamba-babidi;
4 ne munyenze* wandi nao wadi ukoka kipindi kimo kya pa bipindi bisatu bya ñenyenye+ ya mūlu, ebiya weyela pano panshi.+ Kadi mpumina wadi wimene ku meso a mwana-mukaji+ wadi usaka kubutula, amba shi wabutula amudīle mwana.
5 Penepo wabutula mwana,+ mwana-mulume, wa kukumba mizo yonso na mukombo wa kyuma.+ Kadi wandi mwana watekwinwa* lubilo kwa Leza ne ku lupona lwandi.
6 Ebiya mwana-mukaji wanyemena mu ntanda mutuputupu, mwadi kifuko kimulongolwedile Leza, mwine mobadi ba kumudisha mu mafuku 1 260.+
7 Kadi kwatambile divita mūlu: Mikele*+ ne bamwikeulu bandi balwa na mpumina, mpumina nandi ne bamwikeulu bandi kebalu nabo,
8 ino kebanekenyepo,* nansha kifuko kyabo kutanwa monka momwa mūlu mpika.
9 Ebiya mpumina+ mukatampe’wa waelwa panshi, nyoka wa kala na kala,+ yewa witwa bu Dyabola+ ne bu Satana,+ mwine ongolanga ntanda yonso ikelwe na bantu;+ waelwa pano pa ntanda,+ ne bamwikeulu bandi bene baelwa panshi pamo nandi.
10 Penepo naivwana diwi dikatampe mūlu kedinena’mba:
“Pano kubaiya lupandilo+ ne bukomo ne Bulopwe bwa Leza+ wetu ne lupusa lwa Kidishitu wandi, mwanda yewa usambilanga banabetu waelwa panshi, mwine wibasambilanga dyuba ne bufuku ku meso a Leza wetu!+
11 Kadi bamunekenye+ pa mwanda wa mashi a Kana ka Mukōko+ ne pa mwanda wa kinenwa kya bukamoni bwabo,+ kadi abo kebasenswepo myuya yabo*+ nansha ke ku meso a lufu kwine.
12 Pa uno mwanda, sangalai manwe madiulu ne banwe bekele’mo! Malwa obe ntanda ne abe dijiba,+ mwanda Dyabola watūkila pomudi, udi na bulobo bukatampe, pa kuyuka’mba udi na kakitatyi katyetye.”+
13 Penepo mpumina pa kumona’mba waelwa pa ntanda,+ wadi kapangapanga mwana-mukaji+ wabutwile mwana mwana-mulume’wa.
14 Ino mwana-mukaji wapebwa mapapa abidi a mukebo mukatampe,+ amba atumbukile mu ntanda mutuputupu ku kifuko kyandi, kwine kwakadishibwa mu kitatyi ne bitatyi ne kipindi kya kitatyi*+ kulampe na mpala ya nyoka.+
15 Ebiya nyoka walasa mema mu kyakanwa kyandi pamo bwa munonga kunyuma kwa mwana-mukaji, amba amulobeje na munonga’wa.
16 Inoko ntanda yaiya kukwasha mwana-mukaji’wa, kadi ntanda yaasama kyakanwa kyayo yamina munonga walashile mpumina mu kyakanwa kyandi.
17 Penepo mpumina wakalabela mwana-mukaji’wa, waenda kukatamba divita bashele’ko ba ku lutundu* lwandi,+ bene balama mbila ya Leza, badi na mwingilo wa kusapula bukamoni bwa Yesu.+
Kunshi kwa Dyani
^ Nansha’mba “tubāla twa bulopwe.”
^ Nansha’mba “muzenze; dishinka.”
^ Nansha’mba “waselelwa.”
^ Ko kushintulula’mba “Le I Ani Udi bwa Leza?”
^ Bibwanika padi i, “ino aye [ko kunena’mba, mpumina] wanekenibwe.”
^ Nansha’mba “būmi bwabo.” Tala Nshintulwilo ya Bishima.
^ Ko kunena’mba, bitatyi bisatu ne kipindi.
^ Kishima pa kishima i, “lukunwa.”
