Isaya 16:1-14
-
Musapu pa Moabu ukyendelela (1-14)
16 Tumai mukōko mulume kudi mulopwe wa ntanda,Tamba ku Sēla dya mu ntanda mutuputupuKutūla ku lūlu lwa mwanā Ziona mwana-mukaji.
2 Pamo bwa kyoni kyapangwa mu bunswa bwakyo,+Mo mukekadila bana ba Moabu bana-bakaji ku byabu bya lwa ntobwa* bya Alenona.+
3 “Dingilai madingi, fikidijai butyibi.
Longa mwemba obe mu dyuba mu mitwe wikale pamo bwa bufuku.
Fya boba bapalakene kadi kokyaba boba banyema.
4 Bantu bami bapalakene bekale modi, abe Moabu.
Ikala bu kifuko kyabo kya kufyama kudi yewa onakanya.+
Yewa umwesha ba malwa ukafika ku mfulo yandi,Bonakani bukafula,Kadi boba batyampila bakwabo panshi bakoneka pa ntanda.
5 Ebiya lupona lukakomejibwa pototo na buswe bwa ndamatyidile.
Yewa ushikete’po mu pema wa Davida ukekala wa binebine;+Ukatyiba mambo na boloke ne kulonga byoloke na kampeja-bukidi.”+
6 Tubaivwana mitatulo ya Moabu—witatulanga bininge+—Kwizunzula kwandi ne mitatulo yandi ne bukalabale bwandi;+Ino binenwa byandi bya bitupu kebikalongapo kintu.
7 O mwanda Moabu ukayoyokota pa mwanda wa Moabu;Abo bonso bakayoyokota.+
Boba bakupilwe bakabinza pa mwanda wa mikate ya mañanza ya Kile-Halesete.+
8 Ke-pantu madimi a Heshebone+ abaume tē,Muñanza wa Sibema,+Balopwe ba mizo abatyampa misambo yao ityila;*Bafikile enka ne ku Yazele;+Basambakene mu ntanda mutuputupu.
Mitombo yao yatandabukile kufika ne ku dijiba.
9 O mwanda nkadilanga muñanza wa Sibema enka na ami udila Yazele.
Nkemubombeja na impolo yami, abe Heshebone ne Eleale,+Mwanda byungwe bitūtwa pa bipa byobe bya ku dikumbi ne pa mwangulo obe bibapu.*
10 Nsangaji ne tusepo bibatalulwa mu kitongo,Kadi mu madimi a mañanza+ kemudipo ñimbo ya nsangaji nansha byungwe bine.
Ke kutupu muntu uponda vinyu mu byengelo,Mwanda natalaja byungwe.+
11 O mwanda nkambakanibwanga munda mwami pa mwanda wa Moabu,+Pamo bwa kuvuma kwa lunsense,Ne bya munda byami pa mwanda wa Kile-Halesete.+
12 Nansha shi Moabu wepungija pa mutenta kadi waenda kukalombela mu kipandulwe kyandi, kakalongapo kintu nansha kimo.+
13 Kino’ki kyo kinenwa kyanenene Yehova dibajinji pa mwanda wa Moabu.
14 Ino pano Yehova wanena’mba: “Mu myaka isatu, pamo’nka bwa myaka ya muntu wa kaji,* ntumbo ya Moabu ikafwijibwa bumvu na tuvutakanya twa miswelo yonso, kadi boba bashele bakekala batyetye bininge kadi batyetyetyetye.”+
Kunshi kwa Dyani
^ Byabukwa lwa nshi.
^ Nansha’mba “misambo yao miyule mañanza atyila.”
^ Bibwanika padi i, “Mwanda lubila lwa bulwi lubatūkila pa bipa byobe bya ku dikumbi ne pa mwangulo obe.”
^ Nansha’mba “ikabalwa senene na mubadilanga muntu wa kaji”; ko kunena’mba, mu myaka isatu mibwane nkū.
