Ñimbo ya Mitōto 39:1-13
Kudi mukulu wa bañomba; lwa Yedutuna.*+ Lwimbo lwa Davida.
39 Nanenene amba: “Nkalamanga ditabula dyamiMwanda wa kutyina kupya mambo na ludimi lwami.+
Nkalamanga kyakanwa kyami na lukano+Kyaba kyonso kidi mubi ku meso ami.”
2 Nadi talala kwisamba mpika;+Naubile nyā enka ne pa kyokya kiyampe kine,Ino masusu ami adi makatampe.*
3 Mutyima wami wadi ubila* munda mwami.
Ponadi nanguluka,* mudilo wadi utēma’nka kutēma.
Penepo ludimi lwami lwanena’mba:
4 “A Yehova, nkwashe’ko ndyuke mukekadila mfulo yami,Ne bungi bwa mafuku ami,+Amba ndyuke mwipipīle būmi bwami.*
5 I bine, mafuku ami ubeatyepeja;*+Ne bula bwa būmi bwami i bwa bitupu ku meso obe.+
Na bubine muntu ense, nansha shi umweka bu udi na mutyima-ntenke, i umpuya’tu bitupu.+ (Sela)
6 Na bubine muntu ense unangakananga pamo bwa munjiñininya.
Wipangila* bya bitupu.
Ungwija bupeta, kuyuka mwine ukasangela’bo mpika.+
7 Penepo a Yehova, le i kika kyonkokeja kukulupila?
Abewa wi lukulupilo lwami lumo kete.
8 Mpandije ku kujilula kwami konso.+
Kokaleka mulembakane angalamune kendi kintu kya kuzobejibwa.
9 Naikele nyeke talala;Nkyabwenyepo kwasama kyakanwa kyami,+Mwanda i abe walongele kino.+
10 Ntalule kipupo kyobe.
Nakōka pa mwanda wa kuboko kobe kunkupila.
11 Abe ōlolanga muntu na mfuto mwanda wa kilubo kyandi;+Udyanga bintu byamwene bu byabulēme na mudilanga kīshi.
Na bubine muntu ense i umpuya’tu bitupu.+ (Sela)
12 A Yehova, ivwana milombelo yami,Teja kwabija kongabija bukwashi.+
Kokasūla impolo yami.
Mwanda ami ne mweni’tu wa kibundi kodi,+Ñenda upita,* pamo bwa bakulutuba bami bonso.+
13 Kokantala na bulobo amba nsangalePano ponkyapityile ne kujimina.
Kunshi kwa Dyani
^ Tala Nshintulwilo ya Bishima.
^ Nansha’mba “akolomwenwe.”
^ Kishima pa kishima i, “ukaba.”
^ Nansha’mba “minza.”
^ Nansha’mba “mongikadile wa lupito.”
^ Kishima pa kishima i, “ubealonga ke bunkimbwa bwa makasa.”
^ Kishima pa kishima i, “Ulenga lunwa.”
^ Nansha’mba “Mweni.”
