Yesu kāsoñenyepo balondi bandi kubutula nansha kuleka kubutula bana. Kadi kekudipo mwanā bwanga wa Yesu nansha umo wāletele’po bulombodi nansha bumo. Bible kapelejepo patōkelela kwikinga ku kwimita. Mu uno mwanda, tukengidija musoñanya utelelwe mu Loma 14:12 amba: “Batwe bonso, wa pandi wa pandi, tukeshintulwilanga kudi Leza.”

 Nanshi ba mulume ne mukaji, badi na bwanapabo bwa kutonga abo bene kubutula nansha kuleka kubutula. Kadi babwanya kukwata butyibi bwa buvule bwa bana bobakabutula ne kitatyi kyobasaka kwibabutula. Shi ba mulume ne mukaji abatonge kwingidija bintu bya kwikinga nabyo ku kwimita kebipulumunapo dīmi, i mwanda wi batala abo bene. Kekudipo wa kwibatyibila mambo.—Loma 14:4, 10-13.