Lifasi Litalimana ni Miinelo Yetaata—Momukona Kutiyela Miinelo Yeo
Kana muikutwa kuli miinelo yetaata ye mwa lifasi kacenu, imiziyelize hahulu ka butu kufita kwamulaho? Kwa lika zelatelela, kana kunani yeezahala komupila?
lindwa
matuku ayambukela
likozi za ka taho
bubotana
saluluti
bukebenga
Hakuba ni kozi, batu babañata baikutwanga bumaswe, mi bafelelwanga ki sepo. Batu babañata habakopananga ni miinelo yetaata, balyangananga hahulu ni kupalelwa kuziba za kueza. Niteñi, hakuba ni kozi, kuikutwa hahulu bumaswe ka nako yetelele ni kupalelwa kuziba za kueza, kukona kutahisa feela kuli miinelo itatafale.
Hakuezahala nto yemaswe, muswanela kueza momukonela kaufela kuli musileleze balatiwa bamina, buiketo bwamina bwa kwa mubili, mupilelo wamina, ni lika zemitahiseza tabo.
Ki lika mañi zemukona kueza cwale kuli musike mwakatazwa hahulu ka butu ki miinelo yetaata yesweli kuezahala mwa lifasi?
