ZE EZAHALA MWA LIFASI

United States

Ka zazi ni zazi, batu ba ba fitelela 20 ba ne ba banga masole ba naha ya United States ba ipulayanga. Kweli ni kweli, ibato ba batu ba ba eza 950 ba ne ba banga masole ili ba ba babalelwa ki ba likolo la U.S. Department of Veterans Affairs ba batanga ku ipulaya.

China

Mutende o bizwa China Daily u biha kuli: “Ibato ba licika la basali ba ba zwanga mwa litolopo za habo bona ku yo belekela mwa litolopo li sili ba ba mwatasaa lilimo ze 30 ba itwalanga ba si ka nyalwa kale. Mi palo yeo ya basali ba ba si ka nyalwa ba Macainizi ba ba na ni bana ki ye tuna hahulu ku fita mo ne ku inezi lilimonyana kwamulaho.” Hape ku bulelwa kuli sizo sa macainizi “sa lumeleza . . . batu ba ba si ka nyalana ku pila hamoho.”

Greece

Butuku bwa malaria se bu kalile ku ba teñi hape mwa Greece, ili butuku bo ne bu batile ku fezwa mwa naha ye ka silimo sa 1974. Butata bo, bu bulelwa kuli bu tahisizwe ki ku totobela kwa sifumu sa naha ni kuli muuso ha u sa itusisa hahulu masheleñi a mañata kwa likalafo.

India

Mwa patisiso ye ñwi ye ne ezizwe ne ku fumanwi kuli ku si na taba ni kuli batu se ba pila bupilo bwa sikuwa, 74 pesenti ya batu ba ne ba buzizwe ne ba sa tabela ku ketelwa mutu wa ku nyalana ni yena ki bashemi ku fita ku iketela mutu wa ku nyalana ni yena. Hape 89 pesenti ya batu ne ba tabela ku pila ni bahabo bona ku fita ku pila feela muuna ni musalaa hae hamohocwalo ni bana ba bona.

Italy

“Keleke [ya Katolika] ya fokola mwa linaha ze fumile za Yurope ni mwa America. Miezezo ya luna se li ya kale, likeleke za luna ki ze tuna, mandu a luna a ma sisita sa li mukungulu, mi lika ha li sa zamaiswa hande mwa Keleke, mikiti ni mikanjo ya luna ki za ku inuneka. . . . Keleke i siyalezi ka lilimo ze 200.”—Puisano ni muprisita wa Katolika ya bizwa Carlo Maria Martini, ne i hatisizwe hamulaho wa lifu la hae ki ba mutende o bizwa Corriere della Sera.

[Manzwi a bañi ba siswaniso fa likepe 3]

Masole: U.S. Marine Corps photo by Spc. Cory Grogan/Released

Muprisita: AP Photo/Luca Bruno