Mubuso wa Mulimu ki Nto Mañi?
Kana muunga kuli ki . . .
-
nto ye mwa pilu yamina?
-
pulelo feela ya swanisezo?
-
puso ye kwa lihalimu?
ZEIBULELA BIBELE
“Mulimu wa lihalimu ukatoma mubuso osike wasinyiwa nikamuta.”—Daniele 2:44, Bibele ya Toloko ya Lifasi Lelinca.
‘Lufilwe mwana wamushimani mi bulena bukabeiwa fa liheta lahae.’ —Isaya 9:6.
MOMUKONA KUTUSEZWA KI TABA YEO
-
Mubuso omunde wo wakona kumitusa ka nako ya cwale.—Isaya 48:17, 18.
-
Mwa lifasi lelinca lelitaha, mukaba ni mibili yepetehile mi mukapila ka tabo.—Sinulo 21:3, 4.
KANA LULI LWASWANELA KULUMELA ZEIBULELA BIBELE?
Eni, sihulu ka mabaka amabeli:
-
Jesu naabonisize zeuka peta Mubuso wa Mulimu. Naalutile balateleli bahae kulapela kuli Mubuso wa Mulimu utahe ni kuli tato ya Mulimu iezwe fa lifasi. (Mateu 6:9, 10) Jesu naabonisize moika alabelwa tapelo yeo.
Jesu hanaali fa lifasi, naafepile batu bane balapile, naafolisize bakuli, mi naazusize bane bashwile! (Mateu 15:29-38; Joani 11:38-44) Ka kuba yena yanaaka ba Mubusi wa Mubuso wa Mulimu, Jesu naabonisize hande zeo Mubuso wo ukato ezeza babusiwa baona.—Sinulo 11:15.
-
Miinelo ya lifasi ibonisa hande kuli Mubuso wa Mulimu utuha ukala kubusa lifasi. Jesu naapolofitile kuli pili Mubuso wo usika tisa kale kozo mwa lifasi, mwa lifasi nekuka ba ni lindwa zeñata, matala, ni lizikinyeho za lifasi.—Mateu 24:3, 7.
Kacenu, lusweli lwaiponela lika zeo inze liezahala. Kacwalo, lunani buikolwiso bwa kuli hona cwale-cwale fa, Mubuso wa Mulimu ukafelisa matata ao kaufela.
ZA KUNAHANISISA
Bupilo bukaba cwañi Mubuso wa Mulimu hauka busa lifasi?
Bibele ialaba puzo yeo kwa liñolo la SAMU 37:29 ni la ISAYA 65:21-23.
Hape Mwendi Mwakona Kutabela Litaba Ze
LITUTO ZA BUTOKWA ZA MWA BIBELE
Mubuso wa Mulimu ki Nto Mañi?
Mwa bukombwa bwahae kaufela, Jesu naalutile hahulu za Mubuso wa Mulimu kufita taba ifi kamba ifi. Balateleli bahae base balapezi ka lilimo-limo kuli Mubuso wo utahe.
TAWALA YA MULIBELELI
Mubuso wa Mulimu Ukaezañi?
Jesu naaziba kuli Mubuso wa Mulimu ki ona feela okafelisa miinelo yetaata fa lifasi. Ki lika mañi zese upetile Mubuso wo zelutusa kuba ni sepo?
TAWALA YA MULIBELELI
Mubuso wa Mulimu—Mulonga mo ku si na ku sa Sepahala
Lika ze 6 ze bonisa kuli mwa Mubuso wa Mulimu ha ku na ku ba ni ku sa sepahala.
KA ZA LUNA
Ki Kabakalañi ha lu Swanela ku Ituta Bibele?
Bibele i sweli ku alaba lipuzo za butokwa hahulu ze ba sweli ku buza batu ba bañata-ñata mwa lifasi kaufela. Kana mwa tabela ku ba yo muñwi wa batu bao?
