PUZO 6
Bibele Neipolofitile Litaba Mañi ka za Mesiya?
BUPOLOFITA
“Wena Betelehema Efrata, . . . ku wena kukazwa yenika keta kuba mubusi mwa Isilaele.”
TALELEZO
“Jesu hasaapepilwe mwa Betelehema wa mwa Judea mwa mazazi a mulena Heroda, babanuha ka linaleli ba kwa Upa bataha mwa Jerusalema.”
BUPOLOFITA
“Baikabela liapalo zaka mwahalaa bona, mi baaba liapalo zaka ka loto.”
TALELEZO
“Cwale masole hase bakokotezi Jesu fa kota, baanga liapalo zahae za fahalimu ni kulialula mwa likalulo zeene . . . Kono siapalo sa mwahali sona nesisina muluko, kakuli kaufelaa sona nesilukilwe sina lisila lililiñwi kuzwa kwahalimu kuya kwatasi. Kiha babulelisana, bali: ‘Lusike lwasipazula, kono lupose loto kuli luzibe kuli sikaba sa mañi.’”
BUPOLOFITA
“Usileleza masapo ahae kaufela; hakuna nihaiba lililiñwi ku ona lelilobehile.”
TALELEZO
“Habafita ku Jesu, babona kuli nasaashwile kale, mi nebasika lobaka mahutu ahae.”
BUPOLOFITA
“Naatabilwe kabakala bufosi bwaluna.”
TALELEZO
“Yomuñwi wa masole amutaba mwa lubaci ka lilumo, mi honafo kwazwa mali ni mezi.”
BUPOLOFITA
“Banilifa lituwelo zaka, ili lishekele za silivera ze 30.”
TALELEZO
“Cwale yomuñwi wa ba 12, yabizwa Judasi Isikariota, aya kwa baprisita babahulu mi ayo li ku bona: ‘Muka nifañi kuli nimibetekele yena?’ Bamusepisa lishekele za silivera ze 30.”
