Lisamu 53:1-6
Ku muzamaisi wa lipina; ka mulizezo wa Mahalati.* Masikili.* Samu ya Davida.
53 Sikuba* siipulelela mwa pilu yasona kuli:
“Hakuna Jehova.”+
Likezo zabona zesika luka limaswe mi zanyenyisa;Hakuna yaeza sesinde.+
2 Kono Mulimu utalimela bana ba batu fafasi inzaa li kwa lihalimu+Kuli abone haiba kunani yanani kutwisiso, haiba kunani yabata Jehova.+
3 Kaufelaa bona bakeluhile;Kaufelaa bona habasepahali.
Hakuna yaeza sesinde,Nihaiba alimuñwi haayo.+
4 Kana ku babaeza zemaswe hakuna yautwisisa?
Baca batu baka inge babaca sico.
Habalapeli Jehova.+
5 Kono bakaswalwa ki sabo yetuna,Sabo yebasika utwa kale,*Kakuli Mulimu ukahasanya masapo a baba kulwanisa.*
Wena uka baswabisa, kakuli Jehova ubahanile.
6 Haike kupiliswa kwa Isilaele kuzwe kwa Sione!+
Jehova hakakutisa batu bahae bane bahapilwe,Jakobo atabe, Isilaele awabelwe.
Litaluso ze kwatasi
^ Mubone Litaluso za Manzwi.
^ Mubone Litaluso za Manzwi.
^ Kamba “Yasina ngana.”
^ Kamba mwendi, “Kusaba kusina sesisabisa.”
^ Linzwi ka linzwi, “babatilo toma mafulo kuli bakulwanise.”
