ເອຊາຢາ 48:1-22
48 ລູກຫຼານຂອງຢາໂຄບເອີ້ຍ ຟັງເດີ້.ພວກເຈົ້າເປັນລູກຫຼານຂອງຢູດາ*ແລະເອີ້ນໂຕເອງໂດຍໃຊ້ຊື່ອິດສະຣາເອນ.+ພວກເຈົ້າສາບານໂດຍອອກຊື່ຂອງພະເຢໂຫວາ+ແລະອະທິດຖານຫາພະເຈົ້າຂອງອິດສະຣາເອນແຕ່ພວກເຈົ້າບໍ່ໄດ້ເຮັດຈາກໃຈແລະບໍ່ໄດ້ເຮັດດ້ວຍຄວາມຖືກຕ້ອງ.+
2 ພວກເຈົ້າອ້າງວ່າໂຕເອງເປັນຄົນຂອງເມືອງບໍລິສຸດ+ແລະເວົ້າວ່າພວກເຈົ້າເພິ່ງພະເຈົ້າຂອງອິດສະຣາເອນ+ທີ່ຊື່ວ່າພະເຢໂຫວາຜູ້ບັນຊາການກອງທັບ.
3 “ໃນອະດີດ*ເຮົາໄດ້ບອກພວກເຈົ້າລ່ວງໜ້າວ່າຈະເກີດຫຍັງຂຶ້ນ.
ເຮົາເປັນຜູ້ບອກແລະເປັນຜູ້ເປີດເຜີຍໃຫ້ຮູ້.+ເຮົາຈະລົງມືເຮັດທັນທີໃນສິ່ງທີ່ເຮົາໄດ້ບອກໄວ້
ແລະມັນຈະເກີດຂຶ້ນຕາມນັ້ນ.+
4 ເຮົາຮູ້ວ່າພວກເຈົ້າເປັນຄົນດື້ດ້ານຫຼາຍ.ພວກເຈົ້າເປັນຄົນຫົວດື້ແລະຫົວແຂງ*+
5 ເຮົາຈຶ່ງບອກພວກເຈົ້າຕັ້ງແຕ່ດົນແລ້ວ.
ເຮົາບອກພວກເຈົ້າຕະຫຼອດກ່ອນທີ່ມັນຈະເກີດຂຶ້ນເພື່ອພວກເຈົ້າຈະບໍ່ເວົ້າວ່າ ‘ຮູບບູຊາຂອງພວກເຮົາເຮັດສິ່ງນີ້.ຮູບແກະສະຫຼັກແລະຮູບຫຼໍ່ທີ່ເປັນເຫຼັກຂອງພວກເຮົາສັ່ງໃຫ້ເຮັດແບບນີ້.’
6 ພວກເຈົ້າໄດ້ເຫັນແລະໄດ້ຍິນເລື່ອງທັງໝົດນີ້ແລ້ວ
ພວກເຈົ້າຊິບໍ່ບອກໃຫ້ຄົນອື່ນຮູ້ບໍ?+
ຕັ້ງແຕ່ນີ້ໄປ ເຮົາຈະບອກເລື່ອງໃໝ່ໃຫ້ພວກເຈົ້າຮູ້+ເປັນຄວາມລັບທີ່ຖືກເຊື່ອງໄວ້ທີ່ພວກເຈົ້າຍັງບໍ່ທັນຮູ້
7 ເປັນເລື່ອງໃໝ່ບໍ່ແມ່ນເລື່ອງທີ່ເຄີຍບອກແຕ່ກີ້ເປັນສິ່ງທີ່ພວກເຈົ້າບໍ່ເຄີຍໄດ້ຍິນມາກ່ອນເພື່ອພວກເຈົ້າຈະບໍ່ເວົ້າວ່າ ‘ພວກເຮົາຮູ້ແລ້ວ.’
8 ທີ່ຈິງ ພວກເຈົ້າບໍ່ເຄີຍໄດ້ຍິນ+ແລະບໍ່ເຄີຍຮູ້ຈັກມາກ່ອນ.ຕັ້ງແຕ່ດົນມາແລ້ວ ພວກເຈົ້າອັດຫູໄວ້ບໍ່ຍອມຟັງ.
ເຮົາຮູ້ວ່າພວກເຈົ້າເປັນຄົນທີ່ມັກທໍລະຍົດ+ແລະເປັນຄົນບາບມາຕັ້ງແຕ່ເກີດ.+
9 ຍ້ອນເຫັນແກ່ຊື່ຂອງເຮົາ ເຮົາຈຶ່ງອົດໄວ້ແລະຍັງບໍ່ໃຈຮ້າຍ.+ເຮົາອົດທົນກັບພວກເຈົ້າເພື່ອໃຫ້ເຮົາໄດ້ຮັບກຽດແລະເຮົາຈະບໍ່ທຳລາຍພວກເຈົ້າ.+
10 ເຮົາໄດ້ຫຼອມພວກເຈົ້າ ແຕ່ບໍ່ໄດ້ເຮັດຮຸນແຮງສ່ຳກັບຫຼອມເງິນ.+
ເຮົາຍອມໃຫ້ພວກເຈົ້າເຈິຄວາມລຳບາກ*ກໍເພື່ອຫຼອມພວກເຈົ້າ ຄືກັບຫຼອມເຫຼັກຢູ່ໃນເຕົາ.+
11 ເຮົາຈະເຮັດແບບນີ້ຍ້ອນເຫັນແກ່ຊື່ຂອງເຮົາ.+ເຮົາຈະປ່ອຍໃຫ້ຊື່ຂອງເຮົາຖືກດູຖູກໄດ້ແນວໃດ?+
ເຮົາຈະບໍ່ເອົາສະຫງ່າລາສີຂອງເຮົາໃຫ້ໃຜເດັດຂາດ.*
12 ຢາໂຄບແລະອິດສະຣາເອນຜູ້ທີ່ເຮົາໄດ້ເລືອກ ໃຫ້ຟັງເຮົາເດີ້.
ເຮົາເປັນພະເຈົ້າທີ່ບໍ່ປ່ຽນແປງ.+ ເຮົາເປັນຜູ້ທຳອິດແລະເປັນຜູ້ສຸດທ້າຍ.+
13 ເຮົາໄດ້ວາງຮາກຖານຂອງໂລກດ້ວຍມືຂອງເຮົາ+ແລະພືທ້ອງຟ້າອອກດ້ວຍມືເບື້ອງຂວາຂອງເຮົາ.+
ເມື່ອເຮົາເອີ້ນ ພວກມັນ*ກໍລຸກຂຶ້ນພ້ອມກັນ.
14 ໃຫ້ພວກເຈົ້າທຸກຄົນມາລວມກັນແລະຟັງເຮົາ.
ໃນພວກພະເຈົ້າທັງໝົດ*ມີໃຜບອກລ່ວງໜ້າເລື່ອງເຫຼົ່ານີ້ໄວ້ບໍ?
ເຮົາເຢໂຫວາຮັກຜູ້ນີ້.*+
ລາວຈະຈັດການກັບບາບີໂລນຕາມທີ່ເຮົາຕ້ອງການ.+ລາວຈະຕໍ່ສູ້ພວກການເດອາ.+
15 ເຮົາໄດ້ບອກໄວ້ແລ້ວ ແລະເຮົາໄດ້ເອີ້ນລາວມາ.+
ເຮົາໄດ້ພາລາວມາ ແລະລາວຈະເຮັດໃຫ້ສຳເລັດ.+
16 ໃຫ້ເຂົ້າມາໃກ້ໆເຮົາແລະຟັງເລື່ອງນີ້.
ຕັ້ງແຕ່ຕອນເລີ່ມຕົ້ນ ເຮົາໄດ້ເວົ້າແບບເປີດເຜີຍ.+
ເຮົາຢູ່ຫັ້ນແລ້ວຕັ້ງແຕ່ເລື່ອງນີ້ເກີດຂຶ້ນ.”
ພະເຢໂຫວາຜູ້ຍິ່ງໃຫຍ່ສູງສຸດໄດ້ສົ່ງຂ້ອຍມາແລະເອົາພະລັງຂອງເພິ່ນໃຫ້ຂ້ອຍ.
17 ເຮົາເຢໂຫວາຜູ້ໄຖ່ເຈົ້າຄືນມາແລະຜູ້ເປັນພະເຈົ້າອົງບໍລິສຸດຂອງອິດສະຣາເອນເວົ້າວ່າ:+
“ເຮົາເຢໂຫວາເປັນພະເຈົ້າຂອງເຈົ້າເຮົາສອນເຈົ້າເພື່ອປະໂຫຍດຂອງເຈົ້າ+ເຮົາພາເຈົ້າໄປໃນຫົນທາງທີ່ເຈົ້າຄວນໄປ.+
18 ຖ້າເຈົ້າເຮັດຕາມກົດໝາຍຂອງເຮົາ+
ເຈົ້າຈະມີຄວາມສະຫງົບສຸກຄືກັບນ້ຳທີ່ຢູ່ໃນແມ່ນ້ຳ+ແລະຄວາມດີທີ່ເຈົ້າເຮັດຈະມີຫຼາຍຄືກັບຄື້ນໃນທະເລ.+
19 ເຈົ້າຈະມີລູກຫຼານຫຼາຍຄືກັບດິນຊາຍແລະລູກຫຼານຂອງເຈົ້າຈະມີຫຼາຍຄືກັບເມັດດິນຊາຍ.+
ເຮົາຈະບໍ່ມີທາງຕັດຫຼືລຶບຊື່ຂອງເຂົາເຈົ້າຖິ້ມ.”
20 ໃຫ້ອອກຈາກບາບີໂລນ!+
ໃຫ້ໜີຈາກພວກການເດອາ!*
ໃຫ້ປະກາດແລະບອກເລື່ອງນີ້ດ້ວຍຄວາມຍິນດີໃຫ້ທຸກຄົນໄດ້ຮູ້+
ແລະບອກເລື່ອງນີ້ໄປຈົນຮອດສຸດຂອບໂລກ+ວ່າ:
“ພະເຢໂຫວາໄດ້ໄຖ່ຢາໂຄບຜູ້ຮັບໃຊ້ຂອງເພິ່ນຄືນມາແລ້ວ.+
21 ຕອນທີ່ເພິ່ນພາເຂົາເຈົ້າເດີນທາງຜ່ານບ່ອນກັນດານ ເຂົາເຈົ້າກໍບໍ່ໄດ້ຫິວນ້ຳ.+
ເພິ່ນເຮັດໃຫ້ນ້ຳໄຫຼອອກມາຈາກຫີນເພື່ອໃຫ້ເຂົາເຈົ້າກິນ.ເພິ່ນແຍກຫີນອອກຈາກກັນແລະໃຫ້ນ້ຳທັ່ງອອກມາ.”+
22 ພະເຢໂຫວາເວົ້າວ່າ: “ຄົນຊົ່ວຈະບໍ່ມີທາງໄດ້ຢູ່ຢ່າງສະຫງົບສຸກ.”+
ຂໍ
^ ຫຼືອາດແປວ່າ “ພວກເຈົ້າເປັນເຊື້ອສາຍຂອງຢູດາ”
^ ແປຕາມໂຕວ່າ “ຕັ້ງແຕ່ທຳອິດ”
^ ແປຕາມໂຕວ່າ “ຄໍຂອງເຈົ້າເປັນເຫຼັກແລະໜ້າຜາກຂອງເຈົ້າເປັນທອງແດງ”
^ ແປຕາມໂຕວ່າ “ການທົດສອບ.” ຫຼືອາດແປວ່າ “ຖືກເລືອກ.”
^ ຫຼື “ເຮົາຈະບໍ່ແບ່ງສະຫງ່າລາສີຂອງເຮົາໃຫ້ຜູ້ໃດ”
^ ໝາຍເຖິງທ້ອງຟ້າແລະໂລກ
^ ແປຕາມໂຕວ່າ “ພວກເຂົາເຈົ້າ”
^ ໝາຍເຖິງໄຊຣັດ
^ ໝາຍເຖິງຄົນບາບີໂລນ
