NDENGE BAVƐRSƐ YA BIBLIA ELIMBOLAMI
Masese 3:5, 6—“Kondimela mayele na yo moko te”
“Tyelá Yehova motema na yo mobimba mpe kondimela mayele na yo moko te. Na banzela na yo nyonso, kanisá ye, mpe ye akosembola banzela na yo.”—Masese 3:5, 6, Biblia—Libongoli ya Mokili ya Sika.
“Talela Yawe na motema na yɔ mobimba mpe ndima bosɔsɔli na yɔ mɔkɔ tɛ. Na nzela yɔnsɔ na yɔ, ndima ye mpe ye akotambolisa yɔ.”—Masese 3:5, 6, Biblia Haut-Fleuve.
Ndenge Masese 3:5, 6 elimbolami
Tosengeli kotyela Yehova a Nzambe motema ntango tozali kozwa bikateli na esika ya kotyela mayele na biso moko motema.
“Tyelá Yehova motema na yo mobimba.” Tokomonisa ete totyelaka Nzambe motema soki tozali kosala makambo na ndenge oyo alingaka. Tosengeli kotyela Nzambe motema na biso mobimba. Na Biblia, liloba motema elimbolaka bomoto ya kati. Yango esangisi ndenge oyo moto ayokaka, makambo oyo etindaka moto asala likambo boye to boye, makanisi na ye, mpe bizaleli na ye. Na yango, kotyela Nzambe motema na biso mobimba esuki kaka te na ndenge oyo tomiyokaka. Ezali liponi oyo tosalaka mpo toyebi ete Mozalisi na biso ayebi oyo ezali malamu mpo na biso.—Baroma 12:1.
“Kondimela mayele na yo moko te.” Tosengeli kotyela Nzambe motema mpo tokoki te kotyela makanisi na biso ya kozanga kokoka motema. Soki tomityeli motema to totiki ndenge oyo tozali komiyoka etinda biso tósala likambo moko, tokozwa bikateli oyo na ebandeli ekoki komonana ete ezali malamu, kasi na nsima ekoki kobota mbuma ya mabe. (Masese 14:12; Yirimia 17:9) Mayele ya Nzambe eleki mosika oyo ya biso. (Yisaya 55:8, 9) Soki tozali kotika ete makanisi ya Nzambe etambwisa biso, tokolonga mpenza na bomoi.—Nzembo 1:1-3; Masese 2:6-9; 16:20.
“Na banzela na yo nyonso, kanisá ye.” Tosengeli koluka koyeba makanisi ya Nzambe na makambo nyonso ya bomoi na biso mpe na bikateli nyonso oyo tolingi kozwa. Tosalaka bongo na ndenge tobondelaka ye mpo na kosɛnga ete atambwisa biso, mpe na ndenge totosaka makambo oyo ayebisi biso na Biblia, Liloba na ye.—Nzembo 25:4; 2 Timote 3:16, 17.
“Akosembola banzela na yo.” Nzambe asembolaka banzela na biso na ndenge asalisaka biso tótosa mibeko na ye. (Masese 11:5) Na ndenge yango, toboyaka makambo oyo ezangi ntina mpe tozalaka na esengo na bomoi.—Nzembo 19:7, 8; Yisaya 48:17, 18.
Makambo oyo Masese 3:5, 6 elobeli
Mokanda ya Masese ezali na toli na likambo etali kozala na bomoi ya esengo mpe ya ntina na miso ya Nzambe. Mikapo libwa ya ebandeli ekomami lokola toli oyo tata apesi mwana na ye ya mobali. Mokapo ya 3 elobeli matomba oyo bato oyo bazwaka na motuya mpe basalelaka bwanya oyo euti epai ya Mozalisi bazwaka.—Masese 3:13-26.
a Yehova ezali nkombo ya Nzambe.—Nzembo 83:18.
Talá mpe...
BIYANO NA MITUNA YA BIBLIA
Nini ekoki kosalisa yo oyeba Biblia?
Ata soki ozali moto ya ekólo nini, okoki koyeba nsango ya Nzambe oyo ezali na Makomami Mosantu.
NDENGE BAVƐRSƐ YA BIBLIA ELIMBOLAMI
Ndenge Bafilipi 4:6, 7 elimbolami—“Bómitungisa ata na likambo moko te”
Mabondeli ya lolenge nini ekoki kosalisa basambeli ya Nzambe bátika komitungisa mpe bázwa kimya ya motema?
NDENGE BAVƐRSƐ YA BIBLIA ELIMBOLAMI
Ndenge Yisaya 40:31 elimbolami—“Baoyo bazali kotyela Yehova elikya bakozwa nguya ya sika”
Mpo na nini Makomami ekokanisi moto oyo azali kozwa nguya epai ya Nzambe na mpongo oyo ezali kopumbwa?
MATEYA MPENZA YA BIBLIA
Nzambe ayokaka mabondeli nyonso?
Bongo soki moto azali kobondela mpo na matomba na ye moko? Bongo soki mobali azali konyokola mwasi na ye mpe lobi na yango abondeli Nzambe apambola ye?
MATEYA YA BIBLIA
Bisaleli mpo na koyekola Biblia
Poná masolo to biloko mosusu oyo ekosalisa yo oyekola Biblia na ndenge oyo ekosepelisa yo mpe ekosimba motema na yo.
MATEYA YA BIBLIA
Meká boyekoli na biso ya Biblia
Bandá boyekoli ya Biblia ofele mpe talá makambo oyo esengeli kosala.
