Na mokolo ya 06/09/2021, mbula ya makasi mpenza ebɛtaki mpe ezindisaki bisika mingi na Mexique. Na mokolo oyo elandi, mabele eninganaki makasi mpenza (magnitude 7,1) na sudi ya etúká ya Guerrero mpe ebebisaki bisika mingi na katikati ya Mexique.

• Mai ezindisi mboka

  • Bandeko 61 balongwaki na bandako na bango

  • Ndako ya Bokonzi 2 ebebaki moke

  • Ndako 68 ebebaki moke

• Koningana ya mabele

  • Bandeko 71 balongwaki na bandako na bango

  • Bandeko 12 bazokaki

  • Ndako ya Bokonzi 42 ebebaki moke

  • Ndako 220 ebebaki moke

  • Ndako 76 ebebaki makasi

  • Ndako 7 ekweaki

• Mpo na mai oyo ezindisaki mboka

  • Baoyo balongwaki na bandako na bango bazwaki bisika ya kofanda epai ya bandeko ya mabota na bango

  • Masangá epesaki maboke 104 ya biloko ya kolya epai ya baoyo bakutanaki na mokakatano

• Koningana ya mabele

  • Baoyo balongwaki na bandako na bango bazwaki bisika ya kofanda epai ya bandeko ya mabota na bango to epai ya Batatoli mosusu

  • Bandeko oyo bazokaki bazwi lisalisi ya monganga mpe bomoi na bango ezali na likama te.

Ebele ya bandeko oyo bakutanaki na makama wana basilaki kobongisa mwa basaki na bango ya lisungi liboso mpenza makama wana ebima mpe balandaki mbala moko malako oyo bakonzi ya mboka bapesaki. Bakɛngɛli ya zongazonga, na lisalisi ya Komite ya kopesa lisungi, balandelaki makambo ya bandeko wana na likebi mpenza mpe balendisaki bango, mpe na ntango yango, bazalaki mpe kolanda malako ya komibatela mpo na kozwa Coronavirus te.

Bandeko na biso bazali kokoba kotyela Yehova mpe ebongiseli na ye motema na bango mobimba na ntango oyo ya mikakatano. Tozali na elikya ete Yehova akokoba kobatela bango mpe kosalisa bango.​—Yisaya 26:3.