BÓSƐNZƐLAKA!
Mpo na nini koyinana etondi na mokili?—Biblia elobi nini?
Maloba ya koyina, koyinana oyo etindaka basusu báboma baninga, mobulu kati na bikólo, mpe bitumba ezali kolobelama mingi na bansango.
“Lelo oyo na basite Internet ya kosolola na bato okokuta maloba mingi ya koyinana mpo na bitumba oyo ezali kati na Israël mpe Gaza mpe mpo na bikólo oyo ezali kolendisa bitumba mpe koyinana.”—The New York Times, 15/11/2023.
“Kobanda mokolo ya 07/10/2023, makambo ya koyinana, maloba ya koyina mpe kobomana ekómi mingi na mokili.”—Dennis Francis, président de l’Assemblée générale des Nations Unies, 03/11/2023.
Maloba ya koyina, kobomana, mpe bitumba ebanda kala. Kutu, Biblia elobeli bato mosusu ya ntango ya kala oyo “[bazalaki] kobimisa maloba mabe lokola makula,” baoyo balendisaka bitumba mpe mobulu. (Nzembo 64:3; 120:7; 140:1) Biblia emonisi ete koyinana oyo tozali komona lelo na mokili ezali mpamba te.
Koyinana ezali elembo ya ntango na biso
Biblia emonisi bantina mibale oyo mpo na yango koyinana ekómi mingi na mokili.
1. Esakolaki ntango moko oyo “bolingo ya bato mingi ekokita.” (Matai 24:12) Na esika ya komonisa bolingo, bato mingi bakokóma nde na ezaleli ya koyinana.—2 Timote 3:1-5.
2. Ndenge koyinana ekómi mingi lelo oyo yango ezali komonisa mayele mabe ya Satana Zabolo. Biblia elobi ete “mokili mobimba ezali na mabɔkɔ ya moto mabe.”—1 Yoane 5:19; Emoniseli 12:9, 12.
Kasi, Biblia emonisi mpe ete mosika te Nzambe akosilisa makambo nyonso oyo ebimisaka koyinana. Longola yango, akolongola makambo nyonso ya mpasi oyo koyinana ebimisá. Biblia elaki ete:
Nzambe “akopangwisa mai ya miso nyonso na miso na bango, mpe liwa ekozala lisusu te, matánga te, koganga te, mpasi mpe ekozala lisusu te. Makambo ya kala eleki.”—Emoniseli 21:4.
Talá mpe...
BIYANO NA MITUNA YA BIBLIA
Elembo ya “mikolo ya nsuka,” to ‘ntango ya suka’ ezali nini?
Biblia elobeli makambo oyo ekosalema liboso “suka ya mokili” eya.
BIBLIA EBONGOLAKA BATO
Ntango nini bolingo ya sembo ekolonga koyinana?
Kolonga koyinana ekoki kozala mpasi. Talá ndenge Moyuda moko ná Mopalestina moko balongaki yango mpenza.
BIYANO NA MITUNA YA BIBLIA
Ndenge nini kimya ekokɔta na mokili?
Talá ndenge Bokonzi ya Nzambe ekokokisa elaka oyo apesi ya kotya kimya na mokili.
LAMUKÁ!
Na Bokonzi ya Nzambe “kimya ekokóma mingi”
Bokonzi ya Nzambe ekotya kimya mpe boyokani na mokili mobimba.
MATEYA MPENZA YA BIBLIA
Bokonzi ya Nzambe ezali nini?
Ntango Yesu azalaki awa na mabele, ateyaki makambo etali Bokonzi ya Nzambe koleka makambo mosusu nyonso.
OLINGI KOYEBA BISO?
Sɛngá moto moko aya kotala yo
Kolobela motuna moko ya Biblia, to koyekola makambo mingi na ntina etali Batatoli ya Yehova.
