Nzembo 80:1-19
Epai ya mokambi ya nzembo; na ebɛtɛlo ya “Bafololo lísi.” Bokundoli. Mondule ya Asafe.+
80 Yoká, Ee Mobateli ya Yisraele,Yo oyo ozali kokamba Yozefe lokola etonga.+
Yo oyo ofandi likoló* ya bakeruba,+Monisá kongɛnga na yo.
2 Monisá nguya na yo liboso ya Efraime, Benyaminaná Manase,+Yaká mpe bikisá biso.+
3 Ee Nzambe, zongisá biso;+Tiká elongi na yo engɛnga likoló na biso, mpo tóbika.+
4 Yehova Nzambe ya mampinga, tii ntango nini okosilikela bato na yo mpe okoboya koyoka mabondeli na bango?+
5 Osali ete mai ya miso na bango ekóma lokola limpa mpo na bango,Mpe ozali komɛlisa bango mai ya miso mingi mpenza.
6 Otiki ete bato oyo bafandi penepene báwelana mpo na biso;Banguna na biso bazali kaka kosɛka biso ndenge balingi.+
7 Ee Nzambe ya mampinga, zongisá biso;Tiká elongi na yo engɛnga likoló na biso, mpo tóbika.+
8 Olongolaki nzete ya vinyo+ na Ezipito.
Obenganaki bikólo mpe olonaki yango.+
9 Obongiselaki yango esika,Ezwaki misisa mpe etondisaki mokili.+
10 Bangomba ezipamaki na elili na yango,Mpe banzete ya sɛdrɛ ya Nzambe na bitape na yango.
11 Bitape na yango ekendaki mosika tii na mbu,Mpe bitape na yango ya mikemike tii na Ebale.*+
12 Mpo na nini okweisi bifelo ya mabanga ya elanga ya vinyo,+Mpo baoyo nyonso bazali koleka na balabala bábuka mbuma na yango?+
13 Bansombo* ya zamba ezali kobebisa yango,Mpe banyama ya esobe ezali kolya yango.+
14 Ee Nzambe ya mampinga, nabondeli yo, zongá.
Uta na likoló talá mpe moná!
Batelá nzete oyo ya vinyo,+
15 Mobimbi ya nzete* oyo lobɔkɔ na yo ya mobali eloni,+Mpe talá mwana oyo* okómisi makasi mpo na yo moko.+
16 Nzete ya vinyo eziki na mɔtɔ,+ ekatami.
Na mpamela na yo,* bazali kobeba.
17 Lobɔkɔ na yo esalisa moto oyo azali na lobɔkɔ na yo ya mobali,Mwana ya moto oyo okómisi makasi mpo na yo moko.+
18 Bongo tokopesa yo mokɔngɔ te.
Batelá biso na bomoi, mpo tóbelela nkombo na yo.
19 Ee Yehova Nzambe ya mampinga, zongisá biso;Tiká elongi na yo engɛnga likoló na biso, mpo tóbika.+
Maloba na nse
^ To mbala mosusu, “na katikati.”
^ Elingi koloba, Efrate.
^ To, “Bangulu ya zamba.”
^ To, “nzete ya vinyo.”
^ To, “etape oyo.”
^ Lil., “mpamela ya elongi na yo.”
