Nzembo 58:1-11
-
Ezali na Nzambe oyo asambisaka mabele
-
Libondeli mpo na kosɛnga ete banguna bázwa etumbu (6-8)
-
Epai ya mokambi ya nzembo; na ebɛtɛlo ya “Kobebisa te.” Ya Davidi. Mikitame.*
58 Ndenge nini bokoki kofanda nyɛɛ ntango oyo esengeli bólobela boyengebene?+
Bokoki nde kosambisa na bosembo, bino bana ya bato?+
2 Kutu, na motema na bino bozali nde kokanisa kosala makambo ya kozanga bosembo,+Mpe bozali kosala mobulu na mokili!+
3 Bato mabe babebá* banda na kobotama;*Bazali batomboki mpe babuki lokuta banda ntango oyo babotamaki.
4 Ngɛngɛ na bango ezali lokola ngɛngɛ ya nyoka;+Bakufá matoi lokola kobra oyo ekangi litoi na yango.
5 Ekoyokela mongongo ya balengoli te,Ata soki bayebi kosalela bikelakela ya kolengola nyoka.
6 Ee Nzambe, buká mino na bango!
Ee Yehova, buká mbanga ya bankɔsi yango!*
7 Bálimwa lokola mai oyo ezali kotíyola.
Nzambe agumba litimbo mpe akweisa banguna na makula na ye.
8 Bázala lokola mbɛmbɛ oyo ezali kokufa* wana ezali kotambola;Lokola mwana oyo abotami ya kokufa oyo akomona moi ata mokolo moko te.
9 Liboso ete banzungu na bino eyoka nsolo ya mɔtɔ ya mwa nzete ya nzubɛnzubɛ,Akomema mwa nzete yango ya mobesu mpe oyo ezali kopela, ndenge mopɛpɛ makasi esalaka.+
10 Moto ya sembo akosepela mpo amoni ndenge bazongiseli bato mabe, mabe na bango;+Makolo na ye ekotambola na kati ya makila ya moto mabe.+
11 Bongo bato bakoloba ete: “Ya solo mpenza mbano ezali mpo na moto ya sembo.+
Ya solo ezali na Nzambe oyo asambisaka na mabele.”+
Maloba na nse
^ Talá Ndimbola ya maloba.
^ Lil., “banda na libumu.”
^ To, “babungá nzela.”
^ To, “oyo nkingo etondi na nsuki.”
^ Lil., “konyangwa.”
