Nzembo 45:1-17
Epai ya mokambi ya nzembo; na ebɛtɛlo ya “Bafololo lísi.” Ya bana ya Kora.+ Maskile.* Loyembo ya bolingo.
45 Motema na ngai ezali na esengo mingi mpenza mpo na likambo moko ya malamu.
Nalobi ete: “Loyembo* na ngai etali mokonzi moko.”+
Lolemo na ngai ezala ekomeli+ ya mosali-bakopi* oyo ayebi mosala malamu.+
2 Yo nde oleki kitoko mingi na kati ya bana ya bato.
Mbɛbu na yo ezali kosopa maloba ya elɛngi.+
Yango wana Nzambe apamboli yo mpo na libela.+
3 Ee moto ya nguya,+ kangá mopanga na yo+ na mopanzi na yo,Na lokumu na yo mpe nkembo na yo.+
4 Mpe na nkembo na yo kende kolonga;+Matá na mpunda mpo na kobundela solo, komikitisa ná bosembo,+Mpe lobɔkɔ na yo ya mobali ekosala* makambo ya nsɔmɔ.
5 Makula na yo epeli makasi, ezali kokweisa bato ya bikólo liboso na yo;+Ezali kotɔbɔla mitema ya banguna ya mokonzi.+
6 Nzambe azali kiti na yo ya bokonzi libela na libela;+Lingenda ya bokonzi na yo ezali lingenda ya bosembo.+
7 Olingaki bosembo+ mpe oyinaki makambo ya mabe.+
Yango wana Nzambe, Nzambe na yo, atye yo+ mafuta ya esengo+ koleka baninga na yo.
8 Bilamba na yo nyonso ezali na malasi ya mire, nzete ya aloe ná kasia;Uta na ndako monene ya kitoko, ya mpɛmbɛ ya nzoku, bibɛtɛlo oyo ya bansinga ezali kosepelisa yo.
9 Bana basi ya bakonzi bazali na kati ya basi na yo ya lokumu.
Mwasi ya mokonzi atɛlɛmi na lobɔkɔ na yo ya mobali, alati wolo ya Ofire.+
10 Mwana na ngai ya mwasi, yoká mpe tyá likebi na maloba na ngai.Bosaná bato na yo mpe ndako ya tata na yo.
11 Mpe mokonzi akozala na mposa makasi ya kitoko na yo,Mpo azali nkolo na yo,Na yango, gumbamelá ye.
12 Mwana mwasi ya Tire akoya na likabo;Bato ya bozwi bakoluka ondima bango.*
13 Mwana mwasi ya mokonzi azali na nkembo mingi na kati ya ndako;*Bilamba na ye etyami biloko* ya wolo.
14 Bakoya na ye epai ya mokonzi na molato ya kitoko.*
Bangɔndɔ oyo bazali baninga na ye, oyo bazali kolanda ye, bakɔtisami liboso na ye.*
15 Bakoya na bango na nsai mpe na esengo;Bakokɔta na ndako monene ya mokonzi.
16 Bana na yo bakozwa esika ya bankɔkɔ na yo.
Okotya bango bankumu na mabele mobimba.+
17 Nakosala ete bato bákanisa nkombo na yo mabota na mabota.+
Yango wana bato ya bikólo bakosanzola yo libela na libela.
Maloba na nse
^ Talá Ndimbola ya maloba.
^ Lil., “Misala.”
^ To, “mokomeli.”
^ Lil., “ekoteya yo.”
^ To, “kokitisa elongi na yo motema.”
^ Lil., “na kati.”
^ Lil., “esalemi na bansinga.”
^ To mbala mosusu, “zambala oyo esalemi na bansinga.”
^ Lil., “yo.”
