Nzembo 141:1-10
Mondule ya Davidi.
141 Ee Yehova, nabeleli yo.+
Yaká noki kosalisa ngai.+
Tyá likebi ntango nazali kobelela yo.+
2 Libondeli na ngai ebongisama lokola mpaka ya malasi+ liboso na yo,+Mabɔkɔ na ngai etombwami lokola likabo ya mbuma* ya mpokwa.+
3 Ee Yehova, tyelá monɔkɔ na ngai mokɛngɛli,Tyá sinzili na porte ya mbɛbu na ngai.+
4 Kotika te ete nazala na mposa ya kosala mabe,+Mpo napesa mabɔkɔ te na makambo ya mabe elongo na bato mabe;Nalingi ata moke te kolya biloko na bango ya kitoko.
5 Soki moto ya sembo abɛti ngai, ekozala elembo ya bolingo ya sembo;+Soki apameli ngai, ekozala lokola mafuta na motó na ngai,+Oyo motó na ngai ekoboya te.+
Ata na ntango ya bampasi na ye nakokoba kobondela mpo na ye.
6 Atako basambisi na bango babwakami uta na ngomba ya libanga tii na nse,Bato bakotya likebi na maloba na ngai mpo esepelisaka.
7 Kaka ndenge babalolaka mabele mpe bapanzaka yango,Mikuwa na biso mpe epanzani na monɔkɔ ya Nkunda.*
8 Kasi, miso na ngai ezali kotala epai na yo, Ee Yehova, Nkolo Mokonzi-Oyo-Aleki-Nyonso.+
Nakimi epai na yo.
Koboma ngai te.*
9 Batelá ngai na motambo oyo batyeli ngai,Na mitambo ya bato oyo basalaka mabe.
10 Bato mabe bakokwea bango nyonso na minyama na bango moko+Kasi ngai nakoleka kozanga likama.
Maloba na nse
^ To, “mbuma ya kosala farini.”
^ To, “Sheole,” elingi koloba, nkunda ya bato nyonso. Talá Ndimbola ya maloba.
^ To, “Kosopa molimo na ngai te.”
