Nzembo 101:1-8
Mondule ya Davidi.
101 Nakoyemba mpo na bolingo ya sembo mpe bosembo.
Ee Yehova, nakoyemba mpo na kosanzola yo.*
2 Nakosala na ekɛngɛ mpe na kozanga mbeba.*
Ntango nini okoya epai na ngai?
Ntango nazali na kati ya ndako na ngai nakosala likambo moko te ya mabe.+
3 Nakotya eloko moko te ya mpambampamba liboso ya miso na ngai.
Nayiná misala ya bato oyo batiká nzela ya malamu;+Nakokangama na bango ata moke te.*
4 Motema ya bokosi ezali mosika na ngai;Nakondima* eloko moko te ya mabe.
5 Moto nyonso oyo azali kokosela mozalani na ye makambo na nkuku,+Nakokangisa ye monɔkɔ.*
Moto nyonso oyo azali na miso ya lolendo mpe na motema ya lofundo,Nakotikela ye nzela te.
6 Nakotala epai ya bato ya sembo na mabele,Mpo báfanda elongo na ngai.
Ye oyo azali kotambola na bosembo akosalela ngai.
7 Moto oyo asalaka na bokosi akofanda na ndako na ngai te,Mpe moto ya lokuta akotɛlɛma liboso na ngai te.*
8 Ntɔngɔ nyonso, nakokangisa bato mabe nyonso ya mabele monɔkɔ,*Mpo nalongola basali-mabe nyonso na engumba ya Yehova.+
Maloba na nse
^ To, “nakobɛta miziki mpo na yo.”
^ To, “na bosembo.”
^ To, “Misala na bango ekangami na ngai te.”
^ Lil., “Nayebi.”
^ To, “Nakosilisa ye.”
^ Lil., “liboso ya miso na ngai te.”
^ To, “nakosilisa bato mabe nyonso ya mabele.”
