Hosea 6:1-11
6 “Bóya, tózongela Yehova,Mpo apasoli biso mikemike,+ kasi akobikisa biso.
Abɛti biso, kasi akokanga bampota na biso.
2 Nsima ya mikolo mibale, akopesa biso lisusu makasi.
Na mokolo ya misato, akotɛlɛmisa biso,Mpe tokozala na bomoi liboso na ye.
3 Tokoyeba Yehova, mpe tokoluka mpenza koyeba ye.
Kobima na ye ezali solo, kaka lokola kotana ya ntɔngɔ.Akoya epai na biso lokola mbula makasi;Lokola mbula ya eleko ya prɛnta, oyo epɔlisaka mabele.”
4 “Nasala na yo nini, Efraime?
Nasala na yo nini, Yuda?
Mpo bolingo na yo ya sembo ezali lokola mapata ya ntɔngɔ,Lokola mamwɛ* oyo elimwaka nokinoki.
5 Yango wana nakokweisa bino na nzela ya basakoli;+Nakoboma bino na maloba ya monɔkɔ na ngai.+
Mpe bitumbu oyo nakokatela bino ekongala lokola pole.+
6 Mpo nasepelaka nde na bolingo ya sembo,* kasi na mbeka te,Mpe na boyebi ya Nzambe, na esika ya makabo ya kotumba.+
7 Kasi bango, lokola bana ya bato, babuki kondimana.+
Kuna, basaleli ngai makambo na bokosi.
8 Gileade ezali mboka ya basali mabe,+Etondi na bilembo ya makila.+
9 Etuluku ya banganga-nzambe ezali lokola bituluku ya bapunzi oyo babombami mpo na kosala moto mabe.
Bazali koboma bato na nzela ya Shekeme,+Mpo etamboli na bango ezali ya nsɔni.
10 Namoni likambo moko ya nsɔmɔ epai ya bato ya Yisraele.
Kuna, Efraime azali kosala bondumba,+Yisraele amikómisi mbindo.+
11 Lisusu, Ee Yuda, ntango ya kobuka yo ndenge babukaka mbuma etyami,Ntango oyo nakozongisa bakangami ya bato na ngai.”+
