Biyano na mituna ya Biblia
Liwa ya Yesu ememeli biso mapamboli nini?
Ntango Nzambe akelaki bato, mokano na ye ezalaki ete bázala na bomoi libela na libela, maladi mpe liwa ezala te. Kasi, Adama, moto ya liboso oyo Nzambe akelaki, abukaki mobeko ya Nzambe mpe abungisaki elikya ya kozala na bomoi ya seko. Lokola toutá epai ya Adama, yango wana tokufaka. (Baroma 5:8, 12; 6:23) Yehova, Nzambe ya solo, atindaki Mwana na ye Yesu awa na mabele mpo akufa mpe azongisa eloko oyo Adama abungisaki.—Tángá Yoane 3:16.
Yesu akufaki mpo bato bázwa bomoi ya seko. Bomoi ya seko awa na mabele ekozala ndenge nini?
Liwa ya Yesu efungoleli biso nzela ya kozwa bolimbisi mpo na masumu na biso mpe kozwa bomoi ya seko. Biblia esalisi biso tóyeba ndenge bomoi ekozala awa na mabele ntango konuna, maladi mpe liwa ekolongwa.—Tángá Yisaya 25:8; 33:24; Emoniseli 21:4, 5.
Ndenge nini tosengeli kokanisaka liwa ya Yesu?
Na mpokwa ya nsuka liboso akufa, Yesu ayebisaki bayekoli na ye básalaka molulu moko ya moke mpo na kokanisa liwa na ye. Kokanisa liwa ya Yesu mbula na mbula esalisaka biso tómona bolingo monene oyo Yesu ná Yehova bamoniselaki biso.—Tángá Luka 22:19, 20; 1 Yoane 4:9, 10.
Talá mpe...
OLINGI KOYEBA BISO?
Ekaniseli ya liwa ya Yesu
Mbula na mbula, bamilio ya bato bayanganaka mpo na kokanisa liwa ya Yesu. Tobengi yo oya mpo oyeba ndenge molulu yango ya ntina mingi etali mpe yo.
BIYANO NA MITUNA YA BIBLIA
Mpo na nini Yesu akufaki?
Bato mingi bayebi mateya oyo ete Yesu akufaki mpo tókoka kozala na bomoi. Kasi ndenge nini liwa na ye ememeli biso matomba?
BIYANO NA MITUNA YA BIBLIA
Ndenge nini Yesu abikisi biso?
Mpo na nini tozali na mposa Yesu alobela biso? Lobiko esuki kaka na kondimela ya Yesu?
