LITEYA 16
Kolendisa bato mpe kolobela mingi makambo ya malamu
Yobo 16:5
NA MOKUSE: Lobelá mingi ndenge ya kobongisa makambo mpe salá yango na ndenge oyo ekopesa bato mposa ya kobongisa.
NDENGE YA KOSALA YANGO:
-
Kokanisela bato oyo bazali koyoka yo mabe te. Zalá na kondima ete bandeko na yo bakristo balingaka kosepelisa Yehova. Ata soki osengeli kopesa toli, banda naino na kopesa bango longonya na makambo ya malamu oyo basalaka.
-
Kolekisa ntango mingi te na kolobela makambo ya mabe. Osengeli kolobela makambo ya mabe na lisolo na yo kaka soki ezali mpo na kobimisa liteya ya malamu. Salá lisolo na yo mobimba na mongongo oyo ekomonisa ete ozali kolendisa bato.
-
Salelá malamu Liloba ya Nzambe. Lobelá makambo oyo Yehova asalá, oyo azali kosala, mpe oyo akosala mpo na bolamu ya bato. Salisá bato oyo bazali koyoka yo bákóma na elikya mpe na mpiko.
