Yehova * Mungu e’do ndra aje okori ni. Biblia ece amani kini ede oku okori dika “nga eri eji agu nde vu.” Adamu nga ovu ayikosi tu ani ’yo kini: “’Diri curu’do fala maniri ma azi, eri za maniri ma azi indi.” (E’doza 2:22, 23) Yehova le kiri ’ba aje ma alea ’diyi ma o’a ayikosi.

Mi ka fi aje ma alea, mi eco ega e’yo dria yi nga ovu onyiru. Te, e’yo adasi ria, agupi azini oku ka eyi le yi eselea saaru ra ti eyi kiri e’yo ewaru esu ra. (1 ’Ba Korintoa ’Diyi 7:28) Brocua ’di ma alea, mi nga imbata Biblia ma alea ’diyi isu, ’ba ka ayu ra risi eco aje azini aku mivu ri ’ba ayikoru ra.—Zaburi 19:8-11.

E’YO BIBLIA NI ’YORI: Agupi ni aku ma drile ni.—’Ba Efesoa ’Diyi 5:23.

Mi ka ovu agupi ni, Yehova le mi ma mba oku mini ri ma ta geri onyiru si. (1 Petero 3:7) Ede ndra eri ’ba mini azi ngazu tualu ri ru azini le mi ma e’da erini inzita leta be. (E’doza 2:18) Le mi ma le oku mivu ri avasi tu ecozu afa erini le ’diyi ’bazu mivu ri ma drilea.—’Ba Efesoa ’Diyi 5:25-29.

Mi ka ovu oku ni, Yehova le mi inzi agupi mini ri avasi azini mi ma ko eri ma aza azi Yehova ni fe erini ri ngazu. (1 ’Ba Korintoa ’Diyi 11:3; ’Ba Efesoa ’Diyi 5:33) Mi ma ati peta erini ’diyi azini mi eci ti eri be asi driasi. (’Ba Kolosaia ’Diyi 3:18) Mi ka ’di ’ye, mi nga ovu ndrizaru agupi mini ri ma milea azini Yehova ma milea.—1 Petero 3:1-6.

AFA MINI ECO ’YERI:

• Mi zi mi aje ma azi mi eco ovu agupi kaniku oku muke ri ngoniru’ari si. Mi eri e’yo nde kilili, azini mi ma ’ye afa mini eco ’ye ra ri mi otuzu

• Mi ovu e’yo teza be. Eri nga sa ’du emini iritro geri emini ayiko fezu emi eselea ri onizu

E’YO BIBLIA NI ’YORI: Le mi oni afa mi aje ma azi ni le ’diyi a’duni’ari. (’Ba Filipia ’Diyi 2:3, 4) Mi ma ’ba aje ma azi mini ri orodri ru, le mi ma ega Yehova le ati’bo erini ’diyi “ma ovu e’yere ’ba dria vu.” (2 Timoteo 2:24) E’yo ‘’yole egata kokoru ’diyi si ekile ’ba sozu seisirile, te ’ba onduaruri ma andre eri atita fe ni.’ Ani le mi one e’yo nzeza mini ’diyi onduasi. (E’yo O’beza 12:18) Orindi Yehovani ri nga mi aza ko e’yo nzezu asi ndriza si azini leta si ra.—’Ba Galatia ’Diyi 5:22, 23; ’Ba kolosaia ’Diyi 4:6.

AFA MINI ECO ’YERI:

• De nga emi otuni e’yo okporu ’diyi mi aje ma azi be ku, mi ma zi Mungu azakoma isuzu ovuzu asi e’yere si azini omi e’yo otuzu ri be

• Mi ega e’yo onduasi e’yo mini nga nze azini geri mini eri nzezu ri ma dria

E’YO BIBLIA NI ’YORI: Emi ka fi aje ma alea ’bo, emieca “rua aluru” mi aje ma azi be. (Matayo 19:5) Te emi nga kiri ’ba ndu ndu iri azini egata emini eco esele co ra. Ani le emi oni o’azu ti ecita si egata azini trumu emini ma alea. (’Ba Filipia ’Diyi 2:2) Ti ecita eri orodri ru peta peria. Biblia ’yo ’dini: “E’yo ’bani otule ’diyi yi pa so e’yo amazasi.” (E’yo O’beza 20:18) Emi ma fe imbata Bibliani ’diyi ma ce emi dri emini peta peria tualu.—E’yo O’beza 8:32, 33.

AFA MINI ECO ’YERI:

• Mi ece mi aje ma azi ni e’yo kaniku egata a’dule ku te mi trumu yi indi

• Mi ma nze e’yo mi aje ma azi be de nga mi ati e’yo azi ’yezu ku