Zabbuli 146:1-10
146 Mutendereze Ya!*+
Obulamu bwange bwonna ka butendereze Yakuwa.+
2 Nja kutendereza Yakuwa obulamu bwange bwonna.
Nja kuyimba ennyimba ezitendereza Katonda wange nga nkyali mulamu.
3 Temwesiganga bafuzi,*Oba omuntu omulala yenna atasobola kulokola.+
4 Omukka gwe gumuvaamu, n’addayo mu ttaka;+Ku lunaku olwo ebirowoozo bye ne bisaanawo.+
5 Alina essanyu oyo alina Katonda wa Yakobo ng’omuyambi we,+Oyo asuubirira mu Yakuwa Katonda we,+
6 Eyakola eggulu n’ensi,N’ennyanja, ne byonna ebibirimu,+Oyo abeera omwesigwa ekiseera kyonna,+
7 Oyo akakasa nti abakumpanyizibwa balagibwa obwenkanya,Oyo awa abayala emmere.+
Yakuwa asumulula abasibe.+
8 Yakuwa azibula amaaso ga bamuzibe;+Yakuwa ayimusa abo abakutamye;+Yakuwa ayagala abatuukirivu.
9 Yakuwa akuuma abagwira;Alabirira omwana atalina kitaawe ne nnamwandu,+Naye agootaanya enteekateeka z’ababi.*+
10 Yakuwa ajja kubeera Kabaka emirembe n’emirembe;+Ggwe Sayuuni, Katonda wo ajja kubeera Kabaka emirembe gyonna.
Mutendereze Ya!*
Obugambo Obuli Wansi
^ Oba, “Aleruuya!” “Ya” lye linnya Yakuwa nga lisaliddwako.
^ Oba, “bakungu.”
^ Oba, “akyamya ekkubo ly’ababi.”
^ Oba, “Aleruuya!” “Ya” lye linnya Yakuwa nga lisaliddwako.
