Irma, bâka ku Allemagne, mvula 90 ze nandi. Ha manima ma accidents zole za ngolo na operations zazingi, kalendi’â kavutu samuna mu nzo na nzo ko ntiana bu keri saka. Bwawu bu Irma mu nzila ya mikanda kasamuninaka kwe bantu ba kazebi na ba kanda diandi. Mikanda mia lutindusu na mia mbombolo, bantu mia batomo zoloko, ntiangu bavulu mu tâka mbila mu zaba ntia ntangu bavutu baka mukanda wakaka. Mikanda miamingi mpe kabaka mia bantu bamuvuturilaka matondo, bu bamulombaka kavutu ba tsonekena. Irma têle ti: “Mio miamiansoni nsayi mikuntâka mpe tuma mikuntumaka mu tatamana mu tisalu tia samuna.”

Irma mikanda mpe katambikaka kwe bantu ba nuna bê confinés (bakota nzo). Yandi têle ti: “Mukento wumosi wa nuna wakuntâ mbila ku telefone mpe wakuntêla ti mukanda wu namutambikila watomo mu tindisa ha manima ma lufwa lwa bakala diandi. Mu Bibila kalunda mikanda miamiansoni mpe mia kavulu tangaka mu mpimpa. Mukento wakaka, wafwilulu bakala ka ntama ko, watâ ti mukanda wu namutambikila wamubakisa yôka tinzonzi tia mupelo. Yandi biyuvu biabingi biabâ nandi mpe wakundiyula tala ti walendi kwizi kuntala.”

Mukento wumosi wulembolo Mbangi ya Yehova wuzabane na Irma waye bâ kûma kwakaka wamulomba kamutsonekena. Irma têle ti: “Mukento wango mikanda miani miamiansoni keri lundaka.” Ha manima ma lufwa lwandi, mwandi wa mukento wakuntâ mbila ku telefone. Yandi watanga mikanda miamiansoni mi ndieri tambikilaka nguri’andi mpe wayizi kundomba namutsonekena yandi mpe mikanda mizonzelaka Bibila.”

Irma tisalu tiandi tia samuna tia katomono zolo. Yandi têle ti: “Kwe Yehova nilombaka katatamana mu kungana ngolo za mu sarila. “Ni bu sa ti ka ndiendi’â nasamuna mu nzo na nzo ko, kâ mio mi nilendaka niyirikaka.”