Bâ na kani. Zaba tala ti kani dia tinzonzi tiaku ni mu wisa, mu hana nsangu, peleko mu tuma bantu mu sarila diambu dio, mpe tâ tinzonzi tiaku mu mpila yo. Bâ na lukwikulu ti mabanza mamansoni ma nguri mbo makubakisa mu lungisa kani diaku.

Tomo dukisa mutu-diambu wa tinzonzi tiaku. Mu tinzonzi tiaku bambula mutu-diambu bukwe kâriri ntêlo za nguri.

Dukisa mabanza ma nguri mu mpila yilembolo mpasi mu bakula. Sola kwa mabanza ma nguri ma delakane na mutu-diambu’aku mpe malendi tomo longesa mu ntangu yi fwanane. Kubika luntangu lwa mabanza ma nguri, tomo zonzela muna mabanza ma nguri, wumaka ntete watâ mabanza makaka, mpe songelaka ti mabanza ma ntete ma sukiri mu zonzelaka mabanza makaka.