Ntangu fioti ntete kanda dia Israele diakota ku Nsi ya kani, tûka mbandu 35, Nzambi wabonga nzengolo ya kengerela kanda diandi mu bungu dia “epidemi za nsisi” zi ka bwabana na zo ku Ezipte. (Lubambu 7:15) Ntiangu Yehova kabahana misiku miamingi mitariri bunkete na mpila ya tikengerela mu bungu dia bimbevo. Mu tifwani:

•   Musiku wu bahana kwe kanda dia Israele mbo weri lombaka bayebelaka mpe basukulaka binkuti.​—Levitike 15:4-27.

•   Mu musamu wutariri matuvi ma bantu, Nzambi watâ: “Mpe, mbo wakubika mbuka ya nsweki ku mbazi ya camp, mpe ni kûna fweti lungisilaka nsatu zaku. Mu bisalulu biango fweti bâka na tibuku tia muti. Fweti wa sarila mu tima bulu ntete wa sontama. Ha manima mbo wazibika matuvi maku.”​—Lubambu 23:12, 13.

•   Muntu wu beri monaka ti wulendi bâ na timbevo tisambukilaka, ku ndeko beri mu tûlaka, mpila mosi mala na bantu bakaka. Ntete kakâla mu timvuka, muntu weri na timbevo wafweti yebela mpe wafweti sukula binkuti biandi ngatu kabâ “wa verela.”​—Levitike 14:8, 9.

•   Muntu ni muntu weri simbaka mvumbi ha ndeko beri mu tûlaka.​—Levitike 5:2, 3; Lutangu 19:16.

 Tûka ntama, misiku mia kanda dia Israele mitariri bimbevo miatisongela mabanza ma bâka na doktere mu bimbevo na mu bunkete.

 Mu mbuka zakaka, musamu wutariri bunkete ka weri’â mfunu ko. Mu tifwani:

•   Mazala mu nzila beri ma losaka. Mamba ma mvindu, mvindu za mpila na mpila na bidia bia beba bunkete bieri katulaka, mpe bimbevo biabingi na lufwa lwa bala ba fioti bieri tulumunaka.

•   Badoktere ba ntangu ya ntama ka batomo’â zaba mikrobe ko, peleko ka bazaba zo ko. Bawu ka bazaba mpe bima bitulumunaka bimbevo ko. Bisi-Ezipte menga ma bihala beri sarilaka mu “buka bimbevo,” tuvi twa nuni yi batâka nkumbu pélican, matutu ma fwa, masuba na mampa ma beba. Matuvi ma bantu na ma bibulu ma beri vulu sarilaka mu buka bimbevo.

•   Bisi-Ezipte mikrobe miamingi miabâ nawu mieri tûkaka mu nzari ya Nile mu kanivo zakaka zi beri bendelaka mamba. Bala ba fioti babingi beri fwaka ku Ezipte mu bungu dia diare (diarrhée) na mu bungu dia bimbevo bia mpila yo bieri tulumunaka bidia bia beba.

 Bala ba Israele bawu, tikolela tia mbote tieri nawu mu bungu ti ntumunu za Musiku wa Nzambi beri zitisaka.