Kwe bantu babingi, bongela bantu ba mikanda-nitu miamiansoni mu mpila mosi, ndozi kwa yena yilembo lungana.

•   “Titantu tia mukanda-nitu bimfumu tita tatamana mu bebesa na luzingu lwa bantu, mpe bantu tita tuma mu tibongela mu mpila ya mbi.”—António Guterres, Sekretere ya ONU.

 Ngano bantu ba mikanda-nitu miamiansoni balendi ba bongela mpila mosi? Bibila bwe ditâka?

 Bibila ditulongese bwe Nzambi kabongelaka bantu ba mikanda-nitu miamiansoni.

•   “[Nzambi] wasala makanda mamansoni mu muntu wumosi ngatu mabâ ha mutoto wawansoni.”—Bisalu 17:26.

•   “Nzambi kena na tihambula ko, kâ, mu kanda ni kanda, muna muntu katambulaka wumutînaka mpe wusarilaka buderede.”—Bisalu 10:34, 35.

 Bibila dizabikisi ti bantu babansoni kanda bena, mpe Nzambi bantu ba muna mukanda-nitu katambulaka.

 Timfumu tia Nzambi tisa ti bantu ba mikanda-nitu miamiansoni bababongela mpila mosi. Guvernema yo mbo yilongesa bantu bwe bafweti bongelaka bantu bakaka mu mpila ya mbote. Bantu mbo balongoka bwe balendi katurila titantu tia mukanda-nitu.

•   “Bantu babâka mu nsi mbo balongoka buderede.”—Izaya 26:9.

•   “Nkatika buderede mbo bubuta tidzunu, yee, nkatika buderede mbo bunata tidzunu na kondo kwa bunkuta kwa mankululu.”—Izaya 32:17.

 Lumbu ti, bantu ba nkatika babingi balongokele bwe bafweti bongela bantu bakaka mu buzitu.

•   Mu baka nsangu zakaka, tanga misamu mie mu Réveillez-vous ! ye na mutu-diambu “Ngano nti bikatula titantu?”

•   Tanga mutu-diambu wa “Zonzela mwana’aku titantu tia mukanda nitu” mu longoka bwe bibuti bilendi zonzela mutu-diambu wo ku nzo.