Темир айырмачтар С жатак үйү үчүн жасалып жатат.

Инженердик коммуникациялар орнотулган жерден караганда түндүк тарапта жайгашкан Стерлинг-Форест көлүнүн көрүнүшү. Бир эле учурда 13 кран иштеп жатат. Алды жакта В жатак үйүнүн пайдубалын куюуга даярдыктар көрүлүп жатат.

Орнотула турган темир балкалар жана устундар. Кеңселер/Тейлөө кызматтары жайгаша турган имараттар темир балкалар, устундар менен курула тургандыктан, имараттын ичинде орун көбүрөөк болот жана жумуш тезирээк бүтөт.

Куруучулар С жатак үйүнүн чатырын темир менен каптап, үстүн суу өтпөгөн материал менен жаап, орнотууга даярдап жатышат. Артында, сол тарапта экинчи чатыр даярдалууда.

Куруучулар имараттын түштүк-батыш тарабында темир балкаларды орнотуп жатышат. Бул имараттын ушул жеринде ашкана, кир жуучу жай жана башка тейлөө кызматтарын аткарган бөлүмдөр жайгашат.

Канализация түтүктөрүн орноткон жумушчу щётка алып жатат.

Кыштардын ортосундагы сызыктын түрү, түсү кандай болорун, кыштар кандай коюларын көрүш үчүн тургузулган дубал. Бул дубалды жаңы келген куруучуларды үйрөтүш үчүн колдонушкан. Эми аны бузуп жатышат.

Темирден жасалган чатырдын бир бөлүгүн кран менен орнотуп жатышат. Чатырдагы маңдай-тескей жайгаштырылган франтондорду караганда имарат курулуп бүткөндөй көрүнөт.

Көлөмү 95 000 литр болгон цистернаны коюлчу жерине түшүрүп жатышат. Андагы күйүүчү май жылытуу системасы үчүн колдонулат.

Имараттын түштүк тарабынын көрүнүшү. Оң жагындагы бурчунан Стерлинг-Форест көлү көрүнүп турат. Түркүн түстүү ар кандай курулуш материалдары имаратка көрк берет.

Жубайлар пайдубалдын ичи цементтелгенге чейин канализациянын түтүктөрүн орнотуп жатышат.

Куруучулар чатырдагы карды тазалап жатышат.

Жубайлар канализациянын схемасын карап жатышат.

Жумушчулар кар жаап жатканына карабай, калыптарды орнотуп, бетон куюп жатышат. Сүрөттүн жогору жагындагы сол бурчунда Техникалык тейлөө/Бейтелдиктер үчүн автотурук жайгаша турган имараттын бурчу көрүнүп турат. Сырты ак желим материал менен капталгандыктан, куруучулар аба-ырайына карабай, белгилүү бир температурада аткарылчу жумуштарды, мисалы, бетон куюп, от, электр жарыгы менен кылынчу иштерди уланта беришет.

Дубалдар орнотулганга чейин куруучулар бетон тирөөчтөрдү суу өткөрбөгөн материал менен каптап жатышат.

Курулуш жүрүп жаткан жердин чыгыш тараптан карагандагы көрүнүшү. Сүрөттүн өйдө жагында жатак үйлөр көрүнүп турат. Ортодогу чоң ак имаратта Кеңселер/Тейлөө кызматтары жайгашкан. Курулуш 100 гектардай жердин 20 пайызга жетпеген жерин ээлегендиктен, токойдун көпчүлүк бөлүгү кыйылган жок.

Курулуш жүрүп жаткан жерди батыш тараптан караганда биринчи эле C жана D жатак үйү көрүнөт. Куруучулар С жатак үйүнүн чатырын жаап жатышат.

Жыгач уста полго ламинат төшөп жатат. Бөлмөлөрдү жасалгалоонун төрт негизги түрү тандалган. Бул өз ичине дубал менен ламинаттын түсүн, ковролиндин түрүн, кафель жана эмеректерди камтыйт.

Суу агып кете турган жерлер туура эңкейиште жайгашышы үчүн, жумушчу полду кол менен түзөп жатат.

77 жаштагы адис көп зымдары бар талчалуу оптикалык чубалгыларды туташтырып жатат. Курулуштун аягына чейин ушундай чубалгыдан бардыгы болуп 32 километр туташтырылат.