Ышая 22:1—25
22 Аян өрөөнүнө*+ чыгарылган өкүм бул:
Сага эмне болду? Эмнеге бүт элиң үйлөрүнүн үстүнө чыгып алды?
2 Сен толкуган калаа элең,Бака-шака түшүп, каткырык-күлкү жаңырган шаар элең.
Сенин өлгөн элиң кылычтан өлгөн жок,Салгылаштан кырылган жок.+
3 Зулум башкаруучуларыңдын баары чогуу качты.+
Алар жаасыз эле туткунга алынды.
Алыс качып кетишсе да,Кармалгандардын баары туткундалды.+
4 Ошондуктан мен мындай дедим: «Мени карабагыла,Мен боздоп ыйлайм.+
Элимдин кызы* апаатка учурады,Мени сооротконго аракет кылбагыла.+
5 Анткени ал күнү Эгедер Теңир, асман аскерлеринин Кудайы Жахаба,Аян өрөөнүнө дүрбөлөң салат,+Аны кыйратат, ызы-чуу түшүрөт.
Ал жактагы дубал уратылып,+Кыйкыргандардын үнү тоого чейин жетет.
6 Эйламдын+ эли саадагын алып,Согуш арабалары, аттар* менен келатат.
Кир*+ да калканын алып чыкты.
7 Эң мыкты өрөөндөрүң согуш арабаларына толот,Дарбазанын тушуна аттар* тизилет,
8 Жүйүттүн дубалы* кыйратылат.
Ошол күнү сен Лебанон токою деп аталган үйдөгү+ курал-жарак кампасына таянасың.
9 Силер Дөөтүнүн шаарынын дубалындагы көптөгөн тешиктерди карап чыгасыңар.+ Анан төмөнкү көлмөнүн+ суусун топтойсуңар.
10 Иерусалимдеги үйлөрдү санап чыгасыңар, дубалды бекемдеш үчүн кээ бирлерин бузасыңар.
11 Эски көлмөнүн суусун чогултуш үчүн эки дубалдын ортосуна суу сактагыч курасыңар. Бирок мунун баарын кылган Улуу Жаратканга таянбайсыңар, муну эбак эле чечип койгондун өзү жөнүндө ойлонбойсуңар.
12 Ошол күнү Эгедер Теңир, асман аскерлеринин Кудайы Жахаба,Силерге ыйлаганга, кайгырганга,+Чачыңарды кырганга, таар жамынганга буйрук берет.
13 Бирок силер анткендин ордуна майрамдап, кубанып-шаттанып жатасыңар,Бодо мал, кой союп жатасыңар.
„Ичип-жейли, эртең баары бир өлөбүз“+ — деп,Эт жеп, шарап ичип жатасыңар».+
14 Анан асман аскерлеринин Кудайы Жахабанын:
«„Бул күнөөңөр өлгөнүңөрчө кечирилбейт“,+— дейт Эгедер Теңир, асман аскерлеринин Кудайы Жахаба»,— дегенин уктум.
15 Эгедер Теңир, асман аскерлеринин Кудайы Жахаба, мындай дейт: «Падыша сарайынын үстүнөн коюлган башкаруучу Шебнага+ барып:
16 „Бул жерде эмнең бар? Бул жерден өзүңө мүрзө ойгудай, кандай укугуң бар?“ — деп айт. Ал өзүнө бийик жерден мүрзө оюп жатат, асканы тешип, өзүнө жата турган жай даярдап жатат.
17 Ага мындай деп да айт: „Эй, Жахаба сени жерге чаап, мыкчып салат.
18 Сени тоголоктоп, топтой кылып кенен жерге ыргытып жиберет. Сен ошол жакта өлөсүң, эң сонун арабаларың ошол жерде калат. Ошентип, мырзаңдын үйүндөгүлөрү уятка калат.
19 Кудай мындай дейт: “Мен сени ордуңан түшүрөм, ээлеген абалыңан ажыратам.
20 Ошол күнү кызматчым Элиакимди,+ Хилкиянын уулун, чакырам.
21 Ага сенин узун көйнөгүңдү кийгизем, белин сенин куруң менен бекем курчайм,+ бийлигиңди ага өткөрүп берем. Ал Иерусалимдин тургундарына, Жүйүттүн элине атадай болот.
22 Дөөтүнүн падыша тукумуна таандык ачкычты+ ага тапшырам*. Ал ачканды эч ким жаппайт, ал жапканды эч ким ачпайт.
23 Мен аны катуу жерге жыгач мыктай кагам. Ал атасынын урпактары үчүн даңктуу тактыдай болот.
24 Ага атасынын урпактарынын бүт даңкы: тукумдары менен балдары — бардык чакан идиштери, чөйчөктөрү, чоң кумуралары — илинет”“.
25 „Ошол күнү,— дейт асман аскерлеринин Кудайы Жахаба,— катуу жерге кагылган мурунку жыгач мык* суурулуп ташталат.+ Ал кыя чабылып, жерге түшөт, ага илингендин баары талкаланат, анткени муну Жахаба өзү айтты“».
Шилтемелер
^ Сыягы, Иерусалимди билдирет.
^ «Элимдин кызы» деген сөз айкашы, сыягы, боор ооруу же аёо сезимин билдирген поэтикалык көркөм сөз каражаты.
^ Же: «чабандестер».
^ Белгисиз жер.
^ Же: «чабандестер».
^ Же: «көшөгөсү».
^ Сөзмө-сөз: «анын ийнине артам».
^ Сыягы, Шебнаны билдирет.
