Накыл сөздөр 25:1—28
25 Булар да Жүйүттүн падышасы Хискиянын+ кишилери көчүрүп жазган* Сулаймандын накыл сөздөрү.+
2 Кудай ишти жашыруун сактагандыктан даңкталат,Ал эми падышалар ишти жакшылап изилдегендиктен+ даңкталат.
3 Асман кандай бийик, жердин түбү кандай терең болсо,Падышалардын жүрөгү да ошондой изилденгис.
4 Күмүштөн кошундуну бөлүп ташта,Ошондо күмүш таптаза болуп калат.+
5 Падышанын жанындагы ыймансызды кетир,Ошондо анын тактысы адилдик менен бекемделет.+
6 Падышанын алдында өзүңө урмат-сый ыйгарба,+Атактуулардын арасынан орун алба.+
7 Падышанын сени аттуу-баштуу кишинин алдында кемсинткенине караганда,Сага: «Кел, бул жакка өт»,— деп айтканы жакшы.+
8 Бирөө менен соттошконго шашпа,Болбосо кийин ал айыбыңды ачса, эмне кыласың?+
9 Аны менен болгон талашыңды териштир,+Бирок купуя айткан сөзүн башкага айтпа*.+
10 Болбосо уккан киши сени уятка калтырат,Жамандап айткан сөздөрүңдү да артка кайрый албай каласың.
11 Өз учурунда айтылган сөзКүмүш идиштеги алтын алмадай.+
12 Алтын сөйкө менен таза алтындан жасалган жасалга кандай болсо,Акылдуунун ашкерелегени да уккан кулакка ошондой.+
13 Оруп-жыюу маалында кардын салкын илеби кандай болсо,Ишеничтүү кабарчы да аны жибергендер үчүн ошондой,Анткени ал мырзасынын жанын сергитет.+
14 Эч качан бербей турган белеги менен мактанган кишиЖаансыз булут менен кургак шамалдай.+
15 Чыдамдуу болуп башчыны да ийге келтирсе болот,Жумшак тил сөөктү сындырат.+
16 Бал тапсаң, канча керек болсо, ошончо гана же,Анткени өтө көп жесең, кусасың.+
17 Жакыныңдын үйүнө көп бара бербе,Болбосо ал тажап, сени жек көрүп калышы мүмкүн.
18 Ким жакынына каршы күбөгө өтүп, жалаа жапса,+Ал союлдай, кылычтай, курч жебедей.
19 Сынган тиш менен аксаган бут кандай болсо,Кыйын кезеңде ишеничтүү эмес кишиге* таянуу да ошондой.
20 Кайгылуу жүрөккө ыр ырдаган киши+Күн суукта кийимин чечкен кишиге,Шакарга* кычкыл шарап куйганга окшош.
21 Душманың ачка болсо, жегенге нан бер;Суусап турса, ичкенге суу бер.+
22 Ошондо анын жүрөгүн жибитесиң*,+Жахаба болсо сага сыйлык берет.
23 Түндүктөн соккон шамал нөшөр жаадырат,Ушак сөз каарды кайнатат.+
24 Урушчаак* аял менен бир үйдө жашагандан көрө,Үйдүн чатырынын бир бурчунда жашаган артык.+
25 Чарчап-чаалыккан жанга муздак суу кандай болсо,Алыскы жерден келген жакшы кабар да ошондой.+
26 Ыймансыздын таасирине алдырган адил кишиЫлайланган булакка, суусу кирдеп калган кудукка окшош.
27 Балды өтө көп жеген жакшы эмес,+Адамдын өзүнө даңк издегени да жакшы эмес.+
28 Талкаланган, дубалы жок шаар кандай болсо,Өзүн башкара албаган киши да ошондой.+
Шилтемелер
^ Же: «көчүрүп жазган жана бир жыйнак кылып чогулткан».
^ Же: «башкалардын сырын ачпа».
^ Же балким: «жалганчыга».
^ Же: «Содага».
^ Сөзмө-сөз: «башына чок үйөсүң».
^ Же: «Наалый берген».
