Лебилер 21:1—24
21 Жахаба Мусага дагы мындай деди: «Дин кызматчыларга, Арундун уулдарына, мындай деп айт: „Элинин арасындагы бир да дин кызматчы өлгөн киши үчүн өзүн арамдабасын*.+
2 Ал эми жакын кишиси: энеси, атасы, уулу, кызы, агасы же иниси,
3 өзү менен чогуу жашаган* турмушка чыга элек эжеси же карындашы өлсө, аза күтүү каадасына катышса болот.
4 Ал эми элинин арасындагы бирөөгө күйөөгө чыккан аял өлүп калса, дин кызматчы өзүн арамдабашы керек.
5 Дин кызматчылар чачын кырдырбасын,+ жаак жагындагы сакалын кырбасын, денесин кескилебесин.+
6 Кудайынын алдында ыйык болуп,+ анын ысмына сөз тийгизбесин.+ Анткени алар Жахабага өрттөлчү тартуу, Кудайына тамак* тартуулашат. Ошон үчүн ыйык болушу керек.+
7 Сойкуга,+ зордукталган же күйөөсү кетирип жиберген аялга үйлөнбөсүн,+ анткени дин кызматчы Кудайынын алдында ыйык.
8 Дин кызматчыны ыйык көргүлө.+ Анткени ал Кудайыңарга тамак тартуулайт. Ал силер үчүн ыйык болсун, анткени мен, силерди ыйыктаган Жахаба, ыйыкмын.+
9 Эгер дин кызматчынын кызы сойкулук кылып, өзүн булгаса, атасын уятка калтырат. Аны өлтүрүп, өрттөп жибергиле.+
10 Дин кызматчылардын ичинен башына ыйык май куюлуп,+ дин кызматчынын кийимин кийиш үчүн+ дайындалган башкы дин кызматчы* чачын тарабай койбосун, кийимин айрыбасын*.+
11 Өлгөн кишиге жолобосун.+ Атүгүл атасы же энеси өлгөндө да өзүн арамдабасын.
12 Ыйык жайдан кетпесин, Кудайынын ыйык жайын арамдабасын.+ Анткени анын Кудайына арналганын көрсөткөн белгиси бар: ал Кудайынын ыйык майы менен майланган.+ Мен Жахабамын.
13 Ал кызга үйлөнсүн.+
14 Жесирге, күйөөсү кетирип жиберген же зордукталган аялга, же сойкуга үйлөнбөсүн. Ал өз элинин арасындагы кызга үйлөнсүн.
15 Өз элинин арасында тукумун арамдабасын,+ анткени мен аны ыйыктаган Жахабамын“».
16 Жахаба Мусага дагы мындай деди:
17 «Арунга мындай деп айт: „Тукумдарыңдын арасынан денесинде кандайдыр бир кемтиги барлардын бири да Кудайына тамак тартуулаш үчүн ыйык жайга жакындабасын.
18 Ыйык жайга денесинде кемтиги барлар: сокур, аксак, бети кыйшык*, бир колу же бир буту узун,
19 колу же буту сынып калган,
20 бүкүр, эргежээл*, көзү оорулуу, сары карты* же темиреткиси бар же тукум бездери жабыркаган адамдар жакындабасын.+
21 Дин кызматчы Арундун тукумдарынын ичинен денесинде кемтиги барлардын бири да Жахабага өрттөлчү тартууларды алып келиш үчүн курмандык жайына жакындабасын. Денесинде кемтиги бар болгондуктан, ал Кудайына тамак тартуулаш үчүн курмандык жайына жакындабасын.
22 Абдан ыйык+ жана ыйык нерселердин+ ичинен ал Кудайга тартууланган тамактан жесе болот.
23 Бирок денесинде кемтиги бар болгондуктан, көшөгөгө,+ курмандык жайына жакындап,+ ыйык жайымды арамдабасын,+ анткени мен аларды* ыйыктаган Жахабамын“».+
24 Муса ушулардын баарын Арунга, анын уулдарына жана бүт ысрайыл элине айтты.
Шилтемелер
^ Өлгөн кишинин сөөгүнө тийсе же аза күтүү салтына катышса, дин кызматчы өзүн арамдаган болмок.
^ Сөзмө-сөз: «өзүнө жакын».
^ Сөзмө-сөз: «нан». Бул курмандыктарды билдирет.
^ Бирөө кайтыш болгондо, күйүт тарткандар кийимин айрып, чачын тарабай коюшчу.
^ Сөзмө-сөз: «мурдунда жырыгы бар».
^ Экзема.
^ Же балким: «өтө арык; алсырап калган».
^ Сыягы, дин кызматчыларды билдирет.
