Забур 41:1—13
Жетекчиге. Дөөтүнүн ыры.
41 Бей-бечарага жардам берген киши бактылуу,+Кыйынчылык күнү Жахаба аны куткарат.
2 Жахаба аны коргойт, аман алып калат;Ал жер үстүндө бактылуу деп аталат.+
Сен аны душмандарынын колуна эч качан салып бербейсиң.+
3 Ал төшөктө ооруп жатканда, Жахаба колдойт;+Ооруп жатканында, сен ага кам көрөсүң.
4 Мен: «Оо, Жахаба, мага ырайым кыл.+
Сага каршы күнөө кылдым,+ мени айыктыра көр»,+— дедим.
5 Душмандарым мен жөнүндө суук сөздөрдү айтып:
«Бул деги качан өлөт, аты качан өчөт?» — деп жатышат.
6 Кимдир бирөөсү мени көргөнү келсе, анткорлонуп сүйлөйт,Мени кеп кылыш үчүн жаман нерселерди аңдып отурат,Сыртка чыгары менен, ошону элге жаят.
7 Мени жек көргөндөрдүн баары өз ара шыбырашып жатышат;Мага жамандык ойлоп:
8 «Муну чоң балээ басты,Минтип жатып калды, эми турбайт»,— деп жатышат.+
9 Атүгүл жакын досум болгон, мен ишенип келген,+Мени менен чогуу бир дасторкондон нан жеп жүргөн киши да мага каршы чыкты.+
10 Оо, Жахаба, мага ырайым кыл, мени тургуз,Аларга тиешесин берейин.
11 Душманым мени жеңип кубанбаса,Сага жагарымды ушундан билем.+
12 Мени кынтыксыз болгонум үчүн колдоп келесиң,+Көз алдыңда түбөлүккө тургудай кыласың.+
13 Ысрайылдын Кудайы ЖахабаТүбөлүктөн түбөлүккө даңкталсын.+
Оомийн*, оомийн!
