Забур 28:1—9
-
Забурчунун тилеги кабыл болот
-
«Жахаба — күч-кубатым, калканым» (7)
-
Дөөтүнүн ыры.
28 Оо, Жахаба, Аска-зоом,+Сенден жардам сурап жалбарып жатам.
Үнүмдү укпай койбо.
Эгер унчукпай койсоң,Көргө түшкөндөрдөй болуп калам.+
2 Ыйык жайыңдын төркү бөлмөсүн көздөй колумду сунуп,Жардамга чакырып жалбарганымда уга көр.+
3 Мени ыймансыздар менен, кыянаттык кылгандар менен кошо жок кыла көрбө,+Алар жакындары менен досторго окшоп сүйлөшөт, бирок жүрөктөрү жамандыкка толгон.+
4 Аларга кылган иштерине,Жасаган жамандыгына жараша тиешесин бер.+
Колу менен кылгандары үчүн,Жамандыгы үчүн жазала.+
5 Алар Жахабанын иштерине,Анын колунан бүткөн нерселерге көңүл бурушпайт.+
Кудай аларды ойрон кылат, колдобойт.
6 Жахаба даңкталсын, анткени жардам сурап зарлаганымды укту.
7 Жахаба — күч-кубатым,+ калканым.+
Бүт жүрөгүм менен ага таянам.+
Андан жардам алгандыктан, жүрөгүм шаттанат,Аны даңазалап ырдайм.
8 Жахаба — өз элинин күч-кубаты,Ал чеп сыяктуу өзүнүн тандаганын* куткарат.+
9 Элиңди куткар, өз энчиңе батаңды бер,+Аларды койчудай болуп кайтарып, түбөлүккө колуңа көтөрүп жүр.+
Шилтемелер
^ Же: «майланганын».
