Забур 135:1—21
135 Жахты даңктагыла!
Жахабанын ысмын даңктагыла,Оо, Жахабанын кызматчылары, аны даңазалагыла,+
2 Жахабанын үйүндө,Кудайыбыздын үйүнүн короолорунда кызмат кылгандар, даңазалагыла.+
3 Жахты даңктагыла, анткени Жахаба мээримдүү*.+
Анын ысмын даңктап ырдагыла*, анткени бул жагымдуу.
4 Анткени Жах Жакыпты менчиги кылып,Ысрайылды өзгөчө эли* кылып тандап алган.+
5 Мен Жахабанын улуу экенин,Теңирибиздин башка кудайлардын баарынан жогору турарын жакшы билем.+
6 Жахаба эмнени кааласа,Ошонун баарын асман менен жерде,Деңиз менен суу туңгуюктарында ишке ашырат.+
7 Ал жердин учу-кыйырынан булуттарды* көтөрөт,Жамгыр жаап жатканда, чагылган чартылдатат*,Кампаларынан шамал чыгарат.+
8 Ал Мисирдин тун уулдарын да,Малынын төл башыларын да кырган.+
9 Оо, Мисир, ал сага, фараон менен анын бардык кызматчыларынаЖышаандарын, кереметтерин көрсөткөн.+
10 Көптөгөн элдерди кырган,+Кубаттуу падышаларды өлтүргөн:+
11 Аморлуктардын падышасы Сихонду,+Башандын падышасы Окту,+Канаандагы бүт падышалыктарды тыптыйпыл кылган.
12 Алардын жерин өз элине мураска,Ысрайыл элине мураска берген.+
13 Оо, Жахаба, сенин ысмың түбөлүктүү,Оо, Жахаба, даңкың* муундан муунга өчпөйт.+
14 Анткени Жахаба өз элин коргойт*,+Кызматчыларына боор ооруйт.+
15 Ал эми башка элдердин буркандары алтын менен күмүштөн жасалган,Пенденин колунан жаралган.+
16 Алардын оозу бар, бирок сүйлөбөйт,+Көзү бар, бирок көрбөйт,
17 Кулагы бар, бирок укпайт,Таноосунда деми жок.+
18 Аларды жасагандар да,Аларга таянгандар да ошолордой болуп калат.+
19 Оо, ысрайыл эли, Жахабаны алкагыла,Оо, Арундун урпактары, Жахабаны алкагыла.
20 Оо, Лебинин урпактары, Жахабаны алкагыла,+Жахабадан корккондор, Жахабаны алкагыла.
21 Иерусалимде жашаган+ ЖахабагаСиондон алкыш айтылсын.+
Жахты даңктагыла!+
Шилтемелер
^ Сөзмө-сөз: «жакшы».
^ Же: «күү аспап черткиле».
^ Же: «менчиги».
^ Же: «буу».
^ Же балким: «Жамгыр үчүн эшик ачат».
^ Же: «ысмың».
^ Же: «элине болушат».
