Галатиялыктарга 3:1—29
-
Мыйзамды аткаруу маанилүүбү же ишенимби? (1—14)
-
«Адил адам ишениминин аркасында өмүр сүрөт» (11)
-
-
Ыбрайымга мурас убада боюнча берилген (15—18)
-
Ыбрайымдын тукуму — Машаяк (16)
-
-
Мыйзамдын берилгенинин маани-маңызы (19—25)
-
Исага ишенгендиктен баарыңар Кудайдын балдарысыңар (26—29)
-
Машаяктын жолдоочусу болгон соң Ыбрайымдын тукумусуңар (29)
-
3 О, акылсыз галатиялыктар! Силерди ким алдады?+ Иса Машаяктын эмне үчүн устунга кадалып өлгөнүн айкын эле түшүнгөндөй болбодуңар беле.+
2 Силерден бир нерсе сурайын: Кудайдын ыйык рухун* Мыйзамды аткарганыңар үчүн алдыңар беле же өзүңөр уккан жакшы кабарга ишенгениңер үчүнбү?+
3 Ушунчалык да акылсызсыңарбы? Башында Кудайдын ыйык рухунун жетегине ылайык иш кылып жатпадыңар беле, эми адамдардын ой жүгүртүүсүнө жетеленип жатканыңар кандай?!+
4 Ушунча азаптын баарына бекер чыдадыңарбы? Бекер деп ойлобойм.
5 Силерге ыйык рухун берип, араңарда кереметтерди жасаган+ Кудай муну эмне үчүн кылып жатат? Мыйзамды аткарганыңар үчүнбү же өзүңөр уккан жакшы кабарга ишенгениңер үчүнбү?
6 Ыбрайым пайгамбар деле «Жахабага* ишенгени» үчүн адил деп эсептелбеди беле.+
7 Силер ишенимине ылайык жашагандардын Ыбрайымдын балдары экенин жакшы билесиңер.+
8 Кудай башка улуттагыларды ишениминин негизинде адил деп эсептей турганын Ыйык Жазмага алдын ала эле жаздыртып койгон. Ал Ыбрайымга: «Сен аркылуу бардык элдер бата алышат»,— деп ошол жакшы кабарды айткан.+
9 Ошондуктан ишенимине ылайык жашагандар Кудайга ишенген Ыбрайымдай болуп бата алып жатышат.+
10 Мыйзамды аткарганына гана таянгандардын баары каргышка калат. Анткени: «Ким Мыйзам китебинде жазылгандардын баарын дайыма аткарбаса, ал каргышка калсын»,— деп жазылган.+
11 Андан сырткары, Кудай эч кимди Мыйзамдын негизинде адил деп эсептебей турганы белгилүү,+ себеби «адил адам ишениминин аркасында өмүр сүрөт».+
12 Мыйзамды аткарыш үчүн ишеним талап кылынбайт. Анткени, Ыйык Жазмада жазылгандай, «андагы осуяттарды аткарган киши ошонун аркасында тирүү болот».+
13 Машаяк бизди сатып алып,+ Мыйзамдын каргышынан бошоткон,+ ошентип биздин ордубузга өзү каргышка калган. Себеби Ыйык Жазмада: «Устунга кадалган ар бир адам — каргышка калган адам»,— деп жазылган.+
14 Мунун баары Ыбрайымга убада кылынган бата Иса Машаяк аркылуу башка элдерге да тийиши үчүн+ жана биз ишенимибиздин аркасы менен Кудайдын убада кылынган ыйык рухун+ алышыбыз үчүн болду.
15 Боордошторум, турмуштан бир мисал келтирейин: келишим бекитилгенден кийин, аны адам бекитсе да, эч ким жокко чыгарбайт же ага эч нерсе кошумчалабайт.
16 Ошол сыяктуу эле, Кудай Ыбрайым менен анын тукумуна убадаларды берген.+ Ал «тукумдарыңдын» деп көптөр жөнүндө айтпастан, «тукумуңдун» деп бирөө жөнүндө айткан. Ошол тукум — Машаяк.+
17 Айтайын дегеним, ошондон 430 жыл өткөндөн кийин+ Кудай өз элине берген Мыйзам анын Ыбрайым менен түзгөн келишимин бузбайт, ага берген убаданы жокко чыгарбайт.
18 Себеби мурасты алыш үчүн Мыйзамды аткаруу талап кылынса, анда ал убада боюнча берилген болбой калат. Кудай болсо Ыбрайымга мурасты убада боюнча берген.+
19 Анда Мыйзам эмнеге берилген? Ал, убада берилген тукум келгенге чейин,+ күнөөлөрдү айкын кылыш үчүн кийинчерээк берилген.+ Аны Кудай периштелерин жөнөтүп,+ арачы* аркылуу берген.+
20 Ал эми бир эле тарап болгондо, арачынын кереги жок. Кудай жөнүндө да ушуну айтса болот: ошол убаданы бергенде ал жалгыз эле тарап болчу.
21 Анда, эмне, Мыйзам Кудайдын убадаларына каршы келеби? Жок, такыр андай эмес! Анткени өмүргө ээ кыла ала турган Мыйзам берилген болсо, анда адамдар Мыйзамды аткарып деле адил боло алмак да.
22 Бирок Ыйык Жазмада* баары күнөөнүн бийлиги астында экени айкын көрсөтүлгөн. Иса Машаякка ишенгендер убада кылынган баталарды ишениминин аркасында алышы үчүн ошондой болгон.
23 Бирок биз Машаякка ишенгенге чейин Кудай ачып бере турган ошол нерсени* күтүп, Мыйзамдын көзөмөлү алдында болчубуз, анын бийлигине баш ийчүбүз.+
24 Ошентип, ишенимибизден улам адил деп эсептелишибиз үчүн,+ Мыйзам Машаякка алып барган тарбиячыбыз болгон.+
25 Бирок азыр Машаякка ишенгендиктен+ тарбиячынын көзөмөлү астында эмеспиз.+
26 Машаяк Исага ишенгендиктен+ баарыңар Кудайдын балдарысыңар.+
27 Себеби силер, Машаяк менен биримдикте болуш үчүн чөмүлгөндөрдүн баары, Машаякка окшош болуп калдыңар.+
28 Мындан ары жүйүт менен гректин,+ кул менен эркин адамдын,+ эркек менен аялдын ортосунда эч кандай айырма жок,+ анткени баарыңар Машаяк Исанын жолдоочулары катары биримдиктесиңер.+
29 Мындан тышкары, Машаяктын жолдоочусу болгон соң силер, чын эле, Ыбрайымдын тукумусуңар,+ Кудайдын убадасы боюнча+ мурасчыларсыңар.+
Шилтемелер
^ Б. а. ыйык күчүн.
^ Сыягы, бул Мусанын Мыйзамын камтыган Еврей Жазмаларын билдирет.
^ Сөзмө-сөз: «ишенимди».
