Аян 16:1—21
16 Мен ыйык жайдан*+ 7 периштеге: «Баргыла да, 7 чөйчөккө толтурулган Кудайдын каарын жерге төккүлө»,+— деп айткан катуу үндү уктум.
2 Биринчи периште барып, чөйчөгүндөгүсүн жерге төктү.+ Ошондо жырткычтын белгисин койдуруп,+ анын сөлөкөтүнө+ сыйынгандардын денесине катуу ооруткан коркунучтуу жаралар чыкты.+
3 Экинчи периште чөйчөгүндөгүсүн деңизге+ төктү. Ошондо деңиз+ өлүк адамдын канындай+ болуп калды, андагы жандыктын баары өлдү.
4 Үчүнчү периште чөйчөгүндөгүсүн дарыялар менен суу башаттарына төктү.+ Ошондо алар канга айланды.+
5 Анан суулардын үстүнөн бийлиги бар периштенин мындай дегенин уктум: «Азыр да, мурун да бар болгон,+ берилгендигинен+ жазбаган Кудайыбыз, сен адилсиң,+ ошон үчүн ушундай өкүмдөрдү чыгардың.
6 Алар ыйыктардын, пайгамбарлардын канын төккөндүктөн,+ сен аларга кан ичирдиң.+ Алар ушуну көрмөк!»+
7 Анан курмандык жайынын: «Ооба, Кудурети Чексиз+ Жахаба Кудай, сенин сот өкүмдөрүң туура жана адил»,— дегенин уктум.+
8 Төртүнчү периште чөйчөгүндөгүсүн күнгө төктү.+ Ошондо күнгө адамдарды ысык илеби менен куйкалаганга жол берилди.
9 Катуу ысык куйкаласа да, алар ушул балээлердин үстүнөн бийлиги бар Кудайдын ысмына акарат кылып жатышты. Алар өкүнүшкөн да жок, аны даңкташкан да жок.
10 Бешинчи периште чөйчөгүндөгүсүн жырткычтын тактысына төктү. Ошондо анын падышалыгын караңгылык каптады.+ Адамдар жаны кыйналганынан эрдин тиштеп,
11 жаны сыздаганынан, денесиндеги жараларынан улам асмандын Эгедери болгон Кудайга акарат кылышты. Кылган иштерине өкүнүшкөн жок.
12 Алтынчы периште чөйчөгүндөгүсүн улуу Эфрат дарыясына+ төктү. Ошондо күн чыгыштан келе турган падышаларга+ жол даяр болушу үчүн, дарыянын суусу соолуп калды.+
13 Анан мен ажыдаардын,+ жырткычтын жана жалган пайгамбардын оозунан бакага окшогон таза эмес 3 кабардын* чыкканын көрдүм.
14 Чынында, ал кабарлар жиндерден болчу.+ Аларды бүт дүйнөнүн падышалары угат. Ал кабарлар падышаларды Кудурети Чексиз Кудайдын+ улуу күнүндө боло турган согушка+ чогултуш үчүн жышаандарды көрсөтүп жатты.
15 Анан: «Мына, мен ууру сыяктуу баратам.+ Жылаңач калып, уят болбошу үчүн+ сергек жүргөн+ жана сырт кийимин чечпеген адам бактылуу»,— деген үн угулду.
16 Ал кабарлар падышаларды еврейче Армагедон*+ деп аталган жерге чогултушту.
17 Жетинчи периште чөйчөгүндөгүсүн абага төктү. Ошондо ыйык жайдагы+ тактыдан: «Аткарылды!» — деген катуу үн угулду.
18 Чагылган жарк-журк этип, үндөр угулуп, күн күркүрөп, катуу жер титирөө болду. Жер бетинде+ адам баласы жаралгандан бери мынчалык чоң, мынчалык катуу жер титирөө болгон эмес эле.
19 Улуу шаар+ үч бөлүккө бөлүнүп, бүт элдердин шаарлары кыйрады. Кудай Улуу Бабылды+ эстеп, кайнаган каарын билдирген шарабы толтурулган чөйчөктү ага ичирди.+
20 Ошондой эле бүт аралдар чөгүп, тоолор жок болду.+
21 Анан асмандан адамдардын үстүнө+ ар биринин салмагы 20 килограммдай* болгон мөндүр жаады. Мөндүр түрүндөгү балээ үчүн алар Кудайга акарат кылышты, анткени ал аябай чоң балээ+ болчу.
Шилтемелер
^ Б. а. ибадатканадагы Ыйыктын ыйыгы.
^ Сөзмө-сөз: «таланттын салмагындай». Талант байыркы жүйүттөрдүн салмак жана акча бирдиктеринин эң чоңу болгон. Б. з. 1-кылымында 1 талант күмүштүн же алтындын салмагы 20,4 килограммды түзгөн. Б14 тиркемесин кара.
