Аюп 9:1—35
9 Ошондо Аюп мындай деди:
2 «Туура, ошондой экенин билем.
Бирок Кудай менен талашып-тартышкан ажалдуу адам кантип эле ак болуп чыксын?+
3 Эгер кимдир бирөө Кудай менен талашып-тартышкысы* келсе,+Ал анын миң суроосунун бирине да жооп бере алмак эмес.
4 Кудай чексиз акылман*, кудурети күчтүү,+Ким ага каршы чыгып, аман-соо кала алат?+
5 Ал тоолорду жылдырат*, адамдар аны билбей да калышат;Тоолорду каары менен томкорот.
6 Жерди солкулдатып, ордунан жылдырат,Ошондо анын түркүктөрү титирейт.+
7 Ал күнгө нурун чачпоону буйрук кылат,Мөөр басып, жылдыздардын жарыгын жашырат.+
8 Асманды кездемедей кылып өзү жаят,+Деңиздеги бийик толкундардын үстүнөн басат.+
9 Ал Аш топ жылдызын, Кесил топ жылдызын,Кима* топ жылдызын,+Асмандын түштүк тарабындагы топ жылдыздарды жараткан.
10 Анын иштери улуу, акыл жеткис,+Кереметтери эсепсиз.+
11 Ал жаныман өтүп баратат, бирок көрө албай жатам,Менден кыя өтүп баратат, бирок тааныбай жатам.
12 Ал бир нерсени тартып алса, ким ага каршылык көрсөтө алат?
„Эмне кылып жатасың?“ — деп ким айта алат?+
13 Кудай каарын тыйбайт,+Атүгүл Рахапка*+ жардам бергендер да анын алдында тизе бүгөт.
14 Анда мен ага жооп бергенде, аны менен талашкандаСөзүмдү ого бетер кылдат тандашым керек эмеспи?!
15 Меники туура болсо да, ага жооп бергенге батынмак эмесмин.+
Сотумдан* ырайым кылышын гана жалбарып суранмакмын.
16 Эгер аны чакырсам, жооп берет беле?
Үнүмө кулак саларына ишенбейм.
17 Анткени мени долуланган шамал менен кыйратып,Себепсиз эле жараатымды көбөйтүп жатат.+
18 Дем алганга да мүмкүндүк бербей,Үстөкө-босток каргаша жиберип жатат.
19 Эгер кеп күчтө болсо, ага эч ким тең келе албайт;+Эгер кеп адилеттикте болсо, ал: „Мени ким жоопко тарта алат?“ — дейт.
20 Меники туура болсо да, өз тилим айыпка жыкмак,Атүгүл кынтыксыз жүрсөм да*, ал мени айыптуу деп жарыяламак.
21 Кынтыксыз бойдон калсам да*, эмне болорумду билбейм,Кечтим ушундай жашоодон*.
22 Баары бирдей. Ошон үчүн:
„Ал кара өзгөйдү жок кылгандай эле, айыпсызды* да жок кылат“,— деп жатам.
23 Эгер капыстан сел жүрүп, өлүм болсо,Ал айыпсыздардын үмүтсүз абалына күлмөк.
24 Жер кара өзгөйлөрдүн колуна берилди,+Соттору адилет сот жүргүзбөшү үчүн, ал алардын көзүн жаап жатат.
Андан башка ким ушинте алмак эле?
25 Күндөрүм жөө күлүктөн да тез чуркап,+Жакшылык көрбөй качып баратат.
26 Алар камыш кайыктай,Жемине шукшурулган бүркүттөй сызып баратат.
27 Мен: „Кайгы-капамды унутам,Кабагымды ачып, жайдары жүрөм“,— десем да,
28 Тарткан бүт азабымдан улам коркмокмун,+Ал мени айыпсыз деп эсептебей турганын да билем.
29 Баары бир айыпка жыгылмакмын.
Анда эмнеге айыпсыз экенимди далилдеп убара болуп жатам?+
30 Кардын суусуна жуунсам да,Колумду шакар* менен тазаласам да,+
31 Ал мени баткактуу аңга түшүрмөк,Ошондо атүгүл кийимим да менден жийиркенмек.
32 Ага жооп бергидей,Аны менен соттошкудай, ал мен сыяктуу адам эмес.+
33 Экөөбүздүн ортобузга түшө турган,Экөөбүзгө сот боло турган эч ким жок.
34 Эгер ал мени урганын токтотсо,Коркунучтуу нерселер менен үрөйүмдү учурбаса,+
35 Андан жалтанбай сүйлөмөкмүн,Анткени аны менен сүйлөшкөндөн коркпойм деле.
Шилтемелер
^ Же: «соттошкусу».
^ Сөзмө-сөз: «жүрөгү акылдуу».
^ Же: «кыйратат».
^ Болжолу, «Аш» — Чоң Жетиген, «Кесил» — Орион, «Кима» — Букачар топ жылдызындагы Үркөр жылдыз чогулмасы.
^ Сыягы, деңиз алп жаныбары.
^ Же балким: «Мени менен соттошкондон».
^ Же: «Кудайга болгон берилгендигимден жазбасам да».
^ Же: «Кудайга болгон берилгендигимден жазбасам да».
^ Же: «Ушундай жашоону жек көрөм».
^ Же: «кынтыксыз жүргөндөрдү».
^ Күлдөн жасалган самын сыяктуу нерсе.
