Жахаба — тартипти жакшы көргөн Кудай (1 Корунттуктар 14:33). Ошон үчүн анын жыйналышында бардыгы өз орду, өз тартиби менен болот десек жаңылышпайбыз. Ал жыйналышты кантип жетектейт? Жыйналышта баары уюшкандыкта болушуна биз кантип салым кошо алабыз?

1. Жыйналыштын башчысы ким?

Жыйналыштын башчысы — Иса Машаяк (Эфестиктер 5:23). Ал дүйнө жүзүндөгү Жахабанын эли жүргүзүп жаткан ишке асмандан көз салып турат. Иса тажрыйбалуу аксакалдардын чакан тобунан турган «ишенимдүү жана акылдуу кулду» дайындаган. Ал Жетектөөчү Кеңеш деп да аталат. (Оку: Матай 24:45—47.) Бүгүнкү күндө Жетектөөчү Кеңеш, 1-кылымдагы Иерусалимдеги элчилер менен башка аксакалдарга окшоп, бардык жыйналыштарга жетекчилик берип турат (Элчилер 15:2). Бирок алар биздин уюмдун башчылары эмес. Алар Жахабадан жетекчилик алыш үчүн анын Сөзүн изилдешет жана Исага баш ийишет.

2. Аксакалдар деген кимдер жана алар эмне иш кылышат?

Аксакалдар — Машаяктын ишенимдүү, тажрыйбалуу жолдоочулары. Алар Жахабанын элин Ыйык Китептин жардамы менен окутуп, кайраттандырып турушат. Эмгеги үчүн акы алышпайт. Алар «арам жол менен пайда көрүш үчүн эмес, чын көңүлдөн», даярдуулук менен кызмат кылышат (1 Петир 5:1, 2). Аксакалдарга кызмат жардамчылары көмөк көрсөтүшөт. Убакыттын өтүшү менен алар да аксакал болууга жарактуу боло алышат.

Жетектөөчү Кеңеш айрым аксакалдарды райондук көзөмөлчү кылып дайындайт. Алар жыйналыштарды кыдырып, көрсөтмөлөрдү беришет, бир туугандардын ишенимин бекемдешет. Ыйык Китептеги талаптарга жооп берген эркектерди аксакал жана кызмат жардамчысы кылып дайындашат (1 Тиметей 3:1—10, 12; Тит 1:5—9).

3. Ар бир Жахабанын Күбөсүнүн кандай милдети бар?

Алардын баары «Жахабанын ысмын даңктай» алышат. Кантип? Жыйналыштан жооп берип, тапшырмалар менен чыгышат, мүмкүнчүлүгүнө жараша кабар айтышат. (Оку: Забур 148:12, 13.)

 ТЕРЕҢИРЭЭК КАЗ

4. Иса — боорукер башчы

Ыйык Китепте Исанын чакырыгы жазылган. Окугула: Матай 11:28—30. Анан бул суроону талкуулагыла:

• Иса кандай башчы? Анын жетекчилиги астында өзүбүздү кандай сезишибизди каалайт?

5. Аксакалдар жакшы үлгү көрсөтүшөт

1. А) Аксакалдар өзүнүн, үй-бүлөсүнүн Жахаба менен мамилеси бекем болушуна бүт күчүн жумшашат

2. Б) Аксакалдар жыйналыштагылардын баарына кам көрүшөт

3.  В) Аксакалдар кабар айтуу ишине үзгүлтүксүз катышышат

4. Г) Аксакалдар жыйналыштагыларды окутуп-үйрөтүшөт, жууп-тазалоого жана башка иштерге катышышат

6. Биз аксакалдарга баш иебиз

Ыйык Китепте аксакалдарга эмне үчүн баш ийишибиз керектигинин маанилүү бир себеби жазылган. Окугула: Еврейлер 13:17. Анан бул суроолорду талкуулагыла:

• Ыйык Китептеги: «Жетекчиликти колго алгандарга тил алып, баш ийгиле»,— деген сөздөрдүн туура экенине кошуласыңбы? Эмне үчүн?

Окугула: Лука 16:10. Анан төмөнкү суроону талкуулагыла:

• Анча маанилүү эместей көрүнгөн иштерде да эмне үчүн аксакалдарга баш ийишибиз керек?

 НЕГИЗГИ ОЙ

Иса — жыйналыштын башчысы. Аксакалдар анын жетекчилигине ылайык иш кылышат. Алар бизге жакшы үлгү көрсөтүп, дем-күч бергендиктен, аларга тил алабыз.

Кайталоо

• Жыйналыштын башчысы ким?

• Аксакалдар жыйналышка кантип жардам беришет?

• Жахабанын ар бир кызматчысынын кандай милдети бар?