LONGI DIA 10
Sobanga e Zú dia Ndinga
Ngana 8:4, 7
MUNA LUKUFI: Songa e nsas’a mvovo yo songa kana vo diambu diakiese yovo diankenda muna sobanga e zú dia ndinga yo nswalu wa tangila.
UNA OLENDA WO VANGILA:
-
Sobanga e zú dia ndinga. Wokesa e zú dia ndinga avo diambu diamfunu ozolele vova yovo kasakesa awana bekuwanga. Vanga diau dimosi vava otanganga sono kia Nkand’a Nzambi kina ye mvovo mia mfundisa yovo tumbu. Kulula e zú dia ndinga muna fila wantu basia e sungididi muna diambu ozolele vova yovo mu yika mvovo mia muntu una ye wonga yovo ntokani.
-
Swaswanesanga e ndinga. Zangula e ndinga avo diambu diakiese ozolele vova yovo mu songa vo lekwa kingandi kiampwena yovo kwandá kina. Kulula e ndinga avo diambu diankenda ovovelanga.
-
Swaswanesanga e nzaki za vovela. Vovela mu nzaki avo diambu diakiese. Vovela malembe avo diambu diamfunu ozolele vova.
