Nkunga 78:1-72
Maskile.* Nkung’a Asafi.+
78 E nkangu ame, nuwá nsiku ame;*Nutamba matu meno muna mvovo mia nu’ame.
2 lvovela muna yingana.
Itá nguala za nz’ankulu.+
3 Mambu twawá yo zaya,Mana mase meto batuzingulwila,+
4 Ke tusweka mo kwa wan’au ko;Tusamuna kwa mbandu ilanda+O mavangu ma Yave ma nkembo yo nkum’andi+Ye mambu masivi mana kevanganga.+
5 Wasikidisa nzengo muna YakoboWasikidisa nsiku muna Isaele;Wakanikina akulu etoBazayisa mambu mama kwa wan’au,+
6 Kimana e mbandu ilanda,O wana ana bewutuka bazaya mo.+
Yau mpe bazayisa mo kwa wan’au.+
7 Basia e vuvu kiau kwa Nzambi.
Balembi vilakana mavangu ma Nzambi+Kansi balemvokela nkanikinu miandi.+
8 Muna mpila yayi, ke bekala nze akulu au ko,Mbandu y’akwa lulendo ye akolami+Mbandu y’akwa ntima mia soba-soba*+Ana ke basonga kwikizi ko kuna kwa Nzambi.
9 O wan’a Eferaime bakala ye matá,Kansi muna lumbu kia vita, batina.
10 Ke balunda kangu dia Nzambi ko+Bamenga kangalela muna nsiku andi.+
11 Bavilakana mpe mavangu mandi,+E mavangu masivi kabasonga.+
12 Wavanga mambu masivi vana ndose a akulu au,+Muna nsi a Engipito, muna zunga kia Soane.+
13 Wavambula kalunga kimana baviokela mo,Watelamesa maza nga yaka.*+
14 Muna mwini wabafidila muna tutiO fuku wawonso muna ntemo a tiya.+
15 Wawula matadi muna makanga,Wabanuika yavana e vuina diau diamana, nze yau banuina muna maza masina.+
16 Ovaikisi nkukula za maza muna tadiYo kukulwisa maza nze nkoko.+
17 Kansi bakwamanana kunsumukinaYo telamena Mpungu-nene muna makanga.+
18 Batontele Nzambi muna ntima miau+Muna lomba madia mana balakukilanga moyo.
19 I bosi bakumba Nzambi,Oku vo: “Nga Nzambi olenda yala meza muna makanga?”+
20 Yandi wawanda e tadiDiapongola maza yo kukulwisa mo nze nkoko.+
“Nga olenda kutuvana mpe mbolo,Ngatu vana mbizi kwa nkangu andi e?”+
21 Vava Yave kabawa, wafunga kikilu makasi;+E tiya+ tukwama muna Yakobo,E makasi mandi mafusuka muna Isaele.+
22 Kadi ke bakala yo lukwikilu ko muna Nzambi;+Ke basia vuvu ko muna nkum’andi wa kubavuluza.
23 Muna diadi, wavana nkanikinu kwa matuti kuna zulu,Yo ziula yelo ya zulu.
24 Wanokesa mâna tuka kuna zulu kimana badia;Wabavana masa matuka kuna zulu.+
25 Wantu badia mbolo ya akwa ngolo;*+Wabavana madia mafwana muna kubayukutisa.+
26 Wavevomwena tembwa kia este muna zulu,Wafula tembwa kia sude muna nkum’andi.+
27 Wabanokesena mbizi nze mbundukutu a ntoto,E nuni nze senge vana kumu dia kalunga.
28 Wabetomwena zo vana kati kwa ndo andi,Muna mbela-mbel’a saba yandi.
29 Badia yo toma yukuta;Wabavana ina balakukilanga moyo.+
30 Kansi, vitila balungisa e nsatu zau,Madia una makala kaka muna nua miau,
31 O makasi ma Nzambi mabafusukila.+
Wavonda mabamba-ngolo mau;+Wafwasa matoko ma Isaele.
32 Vana ntandu a mama mawonso, basakisa osumuka+Ke bakala yo lukwikilu ko muna mavangu mandi masivi.+
33 I dianu vo, wasukisa e lumbu yau nze mwaya,+Yo sukisa mvu miau kuna kinsalukisa, muna lubangamu.
34 Kansi, konso ntangwa kavondanga ankaka muna yau, bamvavanga;+Bavilukanga yo vava Nzambi,
35 Basungamenanga vo Nzambi i Tadi diau,+O Nzambi wa Mpungu-nene i Nkûdi au.*+
36 Kansi, bavavanga kumvunginika muna nua miauYo kumvuna muna tubini twau.
37 E ntima miau ke miasikila ko muna yandi;+Ke basonga kwikizi ko muna kangu diandi.+
38 Vo i yandi nkwa nkenda;+Walolokanga* o bi wau yo lembi kubafwasa.+
Wakanganga o ntima muna makasi mandi+Yo lembi yangumuna makasi mandi mawonso.
39 Kadi wasungamenanga vo nitu kwau,+Tembwa kiviokanga yo lembi vutuka diaka.*
40 Nkumbu nkwa bantelamena muna makanga+Yo kunlweka ntima!+
41 Ntangwa ke ntangwa batontanga Nzambi,+Yo kendeleka* Mvauki a Isaele.
42 Ke basungamena nkum’andi* ko,E lumbu kina kabavuluza vana moko ma mbeni,+
43 I nsonga kasonga sinsu yandi muna Engipito+Yo masivi mandi muna zunga kia Soane,
44 Ye una kakitulwila e nsuku za Nile se menga+Muna diadi ke balenda nuina muna nkukwila zandi ko.
45 Watwika buka ya mbwanzi zabatatika+Ye mazundu mabafwasa.+
46 Wavana mbongo au kwa makonko ma loko,Wavana mfutu a salu kiau kwa buka kia makonko.+
47 Wafwasa nsinga miau mia vinyu muna mvul’a matadi+Ye nsanda miau muna matadi ma mvula.
48 Wayekola twelezi yau kwa mvul’a matadi+Yo makambi mau muna nsemo.*
49 Wabatwasila nsita za makasi mandi,Nganzi, fuluta ye mpasi,Watwika vu kia mbasi kiatwasa e mpasi.
50 Waziula e nzila muna makasi mandi.
Kabavukisa* ko muna lufwa;Wabayekola* muna vuku.
51 Kuna mfoko, wavonda wan’antete awonso a Engipito,+E mbongo antete a nkum’a nima zau muna saba ya Kami.
52 I bosi, wavaikisa nkangu andi nze kambi+Wabafila nze mameme muna makanga.
53 Wabafila muna luvuvamu,Ke bamona wonga ko;+Vo i mbeni zau, bafukwa kwa kalunga.+
54 Wabalwakisa muna nsi andi avauka,+Kiaki i zunga kia miongo kabaka muna koko kwandi kwalunene.+
55 Wayinga e zula vana ndose zau;+Wabakayila e vua muna nsing’a tezela;+Wasikidisa makanda ma Isaele muna nzo zau.+
56 Kansi, oyau bakwamanana fidisa Nzambi wa Mpungu-nene mpaka yo kunkolamene;+Ke batamba matu ko muna nkanikinu miandi.+
57 Bavengomoka yo kituka se ayekodi nze akulu au.+
Ke bafwana bundwa vuvu ko nze mfumba wayoya.+
58 Bakwamanana kunkendeleka muna mabata mau,+Ye kumfungisa makasi* muna teke yau yavalwa.+
59 Nzambi wawá wo, wafunga kikilu makasi,+Idianu kabembolwela mvimba Isaele.
60 Kuna mfoko, wabembola saba kia Silo,+E saba kina kazingilanga vana vena wantu.+
61 Wayambula vo sinsu kia ngolo zandi kienda kuna kinkole;E nkembo andi wabwa vana moko ma mbeni.+
62 Wayekola nkangu andi muna nsosolo+Wafungila e vua diandi makasi.
63 O tiya twazinisa matoko mandi,E ndumba* zandi ke zayimbidilu nkunga mia lukazalu ko.*
64 Nganga zau babwa muna nsosolo,+Akento au ansona ke babadididi ko.+
65 I bosi, Yave wasikama nze muntu otukidi kuna tulu,+Nze kesa+ ovungukidi muna nkolw’a vinyu.
66 Watinisa mbeni zandi;+Wabayekola muna luvezo lwa mvu ya mvu.
67 Wabembola saba kia Yosefe;Kasola kanda dia Eferaime ko.
68 Kansi wasola kanda dia Yuda,+Mongo a Zione una kezolanga.+
69 Watoma sikidisa nzo andi avauka nze zulu,*+Nze ntoto owu kasikidisa yakwele mvu.+
70 Wasola Davidi+ wa selo kiandiWankatula muna mpaka za mameme,+
71 Muna kavungulwilanga mameme mayemekanga;Wankitula se mvungudi a Yakobo, nkangu andi,+Yo Isaele wa vua diandi.+
72 Wabavungula muna ntim’a unsongi.+
Muna moko mandi, watoma kubafila.+
Mvovo vana yand'a lukaya
^ Tala Nsas’a Mvovo.
^ Yovo “longi diame.”
^ Mvovo wa sina: “ntima mialembi sikila.”
^ Mvovo wa sina: “zudika.”
^ Yovo “ambasi.”
^ Yovo “Nlandi a kunda.”
^ Mvovo wa sina: “Wafukanga.”
^ Nanga, “Mwanda mu vaika wina, ke uvutuka diaka ko.”
^ Yovo “mwesa mpasi.”
^ Mvovo wa sina: “koko kwandi.”
^ Nanga, “ngianduka yangolo.”
^ Yovo “Kavukisa mioyo miau.”
^ Mvovo wa sina: “Wayekola mioyo miau.”
^ Yovo “kumwesesa nsongo.”
^ Yovo “mienze miandi.”
^ Mvovo wa sina: “ndumba zandi ke zakembelelwa ko.”
^ Mvovo wa sina: “Otungidi e nzo andi avauka nze fulu yazanguka.”
