Nekemiya 2:1-20
2 Muna mvu wa 20+ wa luyalu lwa Antakesate+ wa Ntinu, muna ngonde a Nisani,* e vinyu isilu vana kena, wau vo i salu kiame, mbongele vinyu, mpene yo kwa ntinu.+ Kiakendalalanga ko vana ndose andi.
2 Muna kuma kiaki, Ntinu umpovese vo: “Ekuma okendalele wau vo kuna wayela ko? Ediadi ke diambu diankaka ko, ntantu za ntima kaka.” Muna kuma kiaki, mbwene wonga wayingi.
3 I bosi, mpovese ntinu vo: “Zinga kwaku e ntinu! Ekuma kikendalela ko wau vo e mbanza, e fulu kiaziama mase mame kiakituka se zumbu, mavitu mayokwa?”+
4 O ntinu umpovese vo: “Adieyi ozolele?” Vana vau, nsambidi kwa Nzambi a zulu.+
5 Mpovese ntinu vo: “Avo diyangidika ntinu, o ntaudi aku mpe avo omweneno e dienga vana meso maku, untuma kuna Yuda, kuna mbanza yaziamina mase mame, yatungulula yo.”+
6 I bosi, ekolo ntinu ankento kavuanda vana ndambu andi, o ntinu ungiuvuidi vo: “Nkia kolo uzingila e nkangalu aku? Nkia ntangwa ovutuka?” I dianu vo, o ntinu oyangalele kuntuma,+ inzayisi e ntangwa ikala kûna.+
7 Mpovese ntinu vo: “Avo diyangidikidi e ntinu, yambula yavewa nkanda mina ivana kwa nguvulu za mvivu a Simu dia Nzadi,*+ kimana bandutisa, yavana ilwaka kuna Yuda,
8 yo nkanda ivana kwa Asafi wa nlundi a Mfind’a Ntinu, kimana kampana mabaya yavanga mielo mia Mbongi+ a Nzo,* ye mia yaka kia mbanza,+ y’emi mia nzo ina ikala.” Muna diadi, ntinu umpene nkanda,+ kadi o koko kwambote kwa Nzambi ame kwakala yame.+
9 I bosi, ndweke kwa nguvulu za mvivu mia Simu dia Nzadi,* ibavene nkanda mia ntinu. Ntinu wantuma kumosi ye akuluntu a makesa ye akwa mvalu.
10 Sambalati+ wa musi Korone yo Tobiya+ wa Nyamone+ ona wakala nkuluntu,* vava bawá wo, bakendalele kikilu, wau vo vezidi muntu ovanga edi diambote kwa nkangu a Isaele.
11 I bosi, yalwaka kuna Yerusaleme, lumbu tatu yakala ko.
12 Ntelamene muna fuku, mono yo wantu andwelo, kiazayisa muntu ko dina kasia Nzambi omu ntim’ame yavanga mu kuma kia Yerusaleme, kiakala ye bulu kiankaka ko, nanga kina kaka yayendelanga.
13 Mpaikidi muna fuku kuna Vitu dia Ndimba,+ mpiokele kuna Sima kia Nioka Anene, yakuna Vitu dia Kundubulu ya Ntoto Ampolo,+ ntadidi yaka ya Yerusaleme ina yabwa ye mavitu mandi mavia.+
14 Mpiokele kuna Vitu dia Nto+ ye kuna Zinga kia Ntinu, kansi ke vakala fulu ko kiaviokesela e bulu kina yayendelanga.
15 Yatomboka ndimba+ mu fuku, ngiele tadinge yaka, i bosi yavutuka, nkotele kuna Vitu dia Ndimba.
16 Alandi a nguvulu+ ke bazaya kuna yayenda ko ye dina yavanganga, kadi kiavova diambu ko kwa Ayuda, anganga, azitu, alandi a nguvulu yovo kw’asadi akaka.
17 I bosi, ibavovese vo: “Numwene wo vo mu mpasi kikilu twina, e Yerusaleme yakituka se zumbu, mavitu mandi mayokwa mu tiya. Lwiza twatungulula yaka ya Yerusaleme, kimana twakatuka muna luvezo lwalu.”
18 Ibasamunuini una koko kwambote kwa Nzambi ame kwakadila yame+ ye mambu kampovesa o ntinu.+ Oyau bavovele vo: “Tutelama, twatunga.” Ozevo, bayikumikini* mu sala salu kiaki kiambote.+
19 Sambalati wa musi Korone yo Tobiya+ wa Nyamone+ wa mbanda-mbanda* yo Ngeseme wa Nyaraba,+ vava bawidi wo, bayantikidi kutuseva,+ batuvezele, oku vo: “Adieyi nuvanganga? Nga ntinu nutelamenanga?”+
20 Ibavutwidi vo: “O Nzambi a zulu, yandi osikidisa e salu kieto,+ oyeto tu selo yandi, tutelama twatunga; vo i yeno ke luna ye kunku ko yovo nswa, ngatu luyindulu* mu Yerusaleme.”+
Mvovo vana yand'a lukaya
^ E mvivu mia simu dia Nzadi i zunga ya weste a Uferate.
^ Yovo “Tempelo.”
^ E mvivu mia simu dia Nzadi i zunga ya weste a Uferate.
^ Mvovo wa sina: “ntaudi.”
^ Mvovo wa sina: “basiamisi moko mau.”
^ Mvovo wa sina: “wa ntaudi.”
^ Yovo “malau.”
