Kimpovi 3:1-22
3 Vena ye ntangwa yasikidiswa mu kuma kia mambu mawonso,Vena ye ntangwa mu kuma kia salu yawonso ova ntoto:
2 Ntangw’a wutuka ye ntangw’a fwa;Ntangw’a kuna ye ntangw’a vuza eki kikuninu;
3 Ntangw’a vonda ye ntangw’a vukisa;*Ntangw’a wula ye ntangw’a tunga;
4 Ntangw’a dila ye ntangw’a seva;Ntangw’a bokana ye dilu ye ntangw’a kina;*
5 Ntangw’a tuba matadi ye ntangw’a kutika matadi;Ntangw’a bimbakana ye ntangw’a lembi bimbakana;
6 Ntangw’a vava ye ntangw’a badikila e lekwa vo kivididi;Ntangw’a lunda ye ntangw’a tuba;
7 Ntangw’a tiazuna+ ye ntangw’a londa;Ntangw’a kala e pi-i+ ye ntangw’a vova;+
8 Ntangw’a zola ye ntangw’a menga;+Ntangw’a vita ye ntangw’a luvuvamu.
9 Nkia nluta kevua o nsadi muna mfuntuk’andi yawonso?+
10 Mbwene salu kavana o Nzambi kwa wan’a wantu kimana bafuntukinanga.
11 Nzambi ovangidi yawonso yambote* muna ntangwa yasikidiswa.+ Osidi nkutu e ngindu za zinga yakwele mvu muna ntima miau; kansi o wantu ke besinga zaya ko e salu kina Nzambi aludi kasala tuka kuna lubantiku yakuna mfoko.
12 Mbakwidi vo ke vena diambu disundidi o wete ko kwa wantu avo ke mona kiese ko yo vanga diambu diambote muna zingu kiau,+
13 ye mpe konso muntu kadia yo nua yo mona e kiese muna salu kiandi kiawonso kiangolo. Olwalu i lukau lwa Nzambi.+
14 Yabakula vo yawonso kavanga o Nzambi aludi izinga yakwele mvu. Ke vena lekwa ko kilenda mo kudikilwa ye ke vena lekwa ko kilenda mo katulwa. O Nzambi aludi i wau kavangila yo kimana o wantu bamvumina.+
15 Konso diambu divangamanga diavangama kala, dina divangama diateka kala;+ kansi o Nzambi aludi ovavanga ina itombwanga.*
16 Edi mpe yamona oku nsi a ntangwa: Vana fulu kia unsongi vakedi umpumbulu, vana fulu kia ziku vakedi umpumbulu.+
17 Muna diadi mpovele omu ntim’ame vo: “O Nzambi aludi ofundisa o nsongi ye kimpumbulu,+ kadi vena ye ntangwa mu kuma kia salu yawonso ye mavangu mawonso.”
18 Mpovele mpe omu ntim’ame mu kuma kia wan’a wantu vo Nzambi aludi okubafimpa yo kubasonga vo bafwanana ye bulu,
19 kadi dina dibwilanga o wantu i diau mpe dibwilanga e bulu; yau awonso mfoko mosi bena yau.+ Una ufwilanga o mosi, i una mpe ufwilanga wankaka; yau awonso mwanda mosi bena wau.+ Ozevo o muntu kasundidi bulu ko, kadi mambu mawonso i mpavala kwandi.
20 Yau awonso fulu kimosi bekwendanga.+ Yau awonso mu ntoto batuka,+ yau awonso mu ntoto mpe bevutukanga.+
21 Nani kieleka ozeye kana vo mwand’a wantu ku zulu ukwendanga ye mwand’a bulu mu ntoto ukulumukanga?+
22 Mbwene vo ke vena lekwa ko kisundidi o wete kwa muntu avo ke mona kiese muna salu kiandi ko,+ wau vo owau i mfutu andi; kadi nani olenda kunsadisa kamona mana mevangama vava kefwa kwandi?+
Mvovo vana yand'a lukaya
^ Mvovo wa sina: “wuka.”
^ Mvovo wa sina: “takuzioka.”
^ Yovo “yatoma kubikwa.”
^ Nanga, “ina yavioka.”
