Mvutu za Yuvu ya Nkand’a Nzambi
Nani kikilu oyalanga e nza?
Wantu ayingi bekwikilanga vo Nzambi aludi i nyadi a nza. Kansi, kele vo Nzambi kakala nyadi a nza yayi, nga yadi kala ye mpasi? (Nsiku 32:4, 5) Mun’owu wa Nkand’a Nzambi, e nza yayi mu wisa kia ndiona wambi ina.—Tanga 1 Yoane 5:19.
Aweyi o kimpumbulu ndioyo kayantika yadila o wantu? Kuna lubantiku lwa lusansu lwa wantu, mbasi mosi wakolamena Nzambi yo vukumuna wantu antete mu vanga diau adimosi. (Etuku 3:1-6) Adami yo Eva balemvokela Satana wa mbasi ankolami yo kunkitula se nyadi au. Nzambi a Mpungu-ngolo yandi kaka ovwidi nswa wayala, kansi ozolele vo wantu batambulwila luyalu lwandi mu kuma kia zola kwau muna yandi. (Nsiku 6:6; 30:16, 19) Diankenda kikilu wau vo wantu ayingi bevukumunwanga nze una wantu antete bavukumuninwa.—Tanga Lusengomono 12:9.
Nani osingika e diambu diadi?
Nga Nzambi oyambula vo Satana kakwamanana yala? Nkatu. Nzambi osadila Yesu muna sukisa emvimba luyalu lwambi lwa Satana ye mavangu mandi mawonso.—Tanga 1 Yoane 3:8.
Yesu osadila nkuma una Nzambi kamvana muna fwasa Satana. (Roma 16:20) I bosi, Nzambi oyala wantu yo vutulwisa moyo alunga ye luvuvamu nze una kakana kuna lubantiku.—Tanga Lusengomono 21:3-5.
Nanga Oyangalela Mpe Malongi Mama
MVUTU ZA YUVU YA BIBILA
Nga Nzambi i Nkwa Kuma Muna Mpasi Zeto?
Konso muntu olenda bwila e mpasi, kana nkutu awana besadilanga Nzambi ye kwikizi. Ekuma?
EYINGIDILU DIA NKANGU
Ekuma Wantu ke Belendanga Twasa Luvuvamu ko ova Nza?
Kana una vo wantu bevanganga ngolo kansi, ke belendanga twasa luvuvamu ko mu nza yawonso. Zaya ekuma.
MVUTU ZA YUVU YA BIBILA
Luvuvamu ova Nza—Aweyi Lukwizila?
Zaya nsilu a Nzambi watwasa luvuvamu ova nza muna Kintinu kiandi.
