Nkand’a Nzambi i nkanda utomene zayakana mu nza yawonso. Ekuma? Wantu batomene wo zaya. Uvwidi tusansu twakieleka twa zingu kia wantu, una bakadila ye akaka yo Nzambi. Tusansu twatu tulonganga mambu mamfunu yo sadila mvovo mialeboka ye mia ziku milenda sekolwa mu ndinga zayingi yo bakulwa kwa wantu bezingilanga konso fulu ye mu konso ntangwa. E nkanikinu mia Nkand’a Nzambi nluta mitwasanga.

Vana ntandu, o Nkand’a Nzambi ke uvovelanga kaka Nzambi ko, kansi uyikanga mpe vo kwa Nzambi watuka. Usengomonanga e nkumbu a Nzambi, fu yandi y’ekani diandi mu kuma kia ntoto yo wantu. Uyikanga mpe lusansu lwa vita ya wete yo bi ina ivangamanga mu nza yawonso, kansi kuna mfoko o wete usunda o bi. Olongoka Nkand’a Nzambi ye ngindu zasikila i tuku dia lukwikilu ye vuvu.

Nkand’a Nzambi uvwidi mambu oma ke mena mu nkanda miakaka ko. Muna bonga e nona, Nkand’a Nzambi ukutuzayisanga e ludi mu kuma kia mambu nze:

• Akweyi twatuka, e kuma tumwenanga e mpasi

• Adieyi Nzambi kavanga muna kûla wantu

• Adieyi Yesu kavanga mu kuma kieto

• Ntoto ye zingu kia wantu kia kusentu

Ekuma olembi fimpila malongi malende mu zaya dina Nkand’a Nzambi ulonganga?