Mvutu za Yuvu ya Nkand’a Nzambi
Nga olenda bakula Nkand’a Nzambi?
Nkand’a Nzambi i Diambu dia Nzambi. Una nze nkanda watuka kw’ese dianzodi. (2 Timoteo 3:16) Muna Nkand’a Nzambi, Nzambi osasilanga una tulenda kunyangidikila, e kuma ke yambulwilanga e mpasi ye dina kevanga kuna sentu muna wete dia wantu. Kansi, alongi a mabundu bebendomonanga malongi ma Nkand’a Nzambi muna kuma kiaki, wantu ayingi beyindulanga vo ke balendi wo bakula ko.—Mavangu 20:29, 30.
Yave wa Nzambi ozolele vo twazaya ludi mu kuma kiandi. Muna kuma kiaki, watuvana o nkanda una tulenda bakula.—Tanga 1 Timoteo 2:3, 4.
Aweyi olenda bakulwila Nkand’a Nzambi?
Yave katuvana kaka Nkand’a Nzambi ko, kansi okutusadisanga mpe muna bakula wo. Watuma Yesu muna kutulonga. (Luka 4:16-21) Yesu wasadisa wantu kalonganga mu bakula Nkand’a Nzambi, kadi wasasilanga sono yayingi.—Tanga Luka 24:27, 32, 45.
Yesu wasikidisa nkutakani y’Akristu kimana salu kina kayantika kiakwamananwa salwa. (Matai 28:19, 20) O unu, alongoki akieleka a Yesu besadisanga wantu mu bakula dina Nkand’a Nzambi kelonganga mu kuma kia Nzambi. Avo ozolele bakula Nkand’a Nzambi, Mbangi za Yave bekala ye kiese muna kusadisa.—Tanga Mavangu 8:30, 31.
Nanga Oyangalela Mpe Malongi Mama
EYINGIDILU DIA NKANGU
Lusadisu Muna Bakula Nkand’a Nzambi
Wau vo Nkand’a Nzambi wasonekwa muna bakulwa, ekuma ofwete lombela lusadisu mu bakula wo?
TU AKI NANI
Lomba Beza Kukingula
Zaya e mvutu za Bibila mu kuma kia kiuvu kiaku, yovo zaya mayingi mu kuma kia Mbangi za Yave.
TU AKI NANI
Ekuma Ofwete Longokela Bibila?
Bibila kisadisanga ulolo wa wantu mu nz’amvimba mu solola mvutu za yuvu yamfunu mu kuma kia zingu. Nga zolele kala mosi muna yau?
